【票房一小時破一億】電腦特技都洗六億《西遊記》林志玲全裸原來係...
2018年02月15日07:00

郭富城、梁詠琪、林志玲同趙麗穎主演嘅《西游記女兒國》,票房相當厲害,星期三內地下畫一點幾嘅優先場,只係用咗一個小時,票房已經過咗一億人民幣!

導演鄭保瑞話:「總係有啲似發夢嘅感覺,亦要多謝老闆畀我同整個團隊無限支持、配合,好感恩!」

羅仲謙喺圓方戲院包場,電影成績咁好,佢話:「要問老闆有咩表示,老闆應該非常開心。出字幕都唔好走住,留意彩蛋,會見到我唔係藍色嘅樣。」

其實呢套戲咁爆都唔係冇道理,事關淨係電腦特技,投資都超過6億港元,出動埋奧斯卡金像特技班底!

好似林志玲化身河神,睇落疑似全裸,但其實係用咗八粒鐘倒模,再用電腦特效後期加工,將林志玲個頭,「放」落男兒身上!

關注我們Facebook專頁
    相關新聞
      更多瀏覽