【識聽咩?】坤哥法國俾鬼魘:我用粗口大嗌
2018年02月24日07:00

吳業坤日前同音樂團隊,去到法國製作歌曲兼錄音,之後就喺當地旅行,當時佢喺網上留言話自己「俾鬼魘」:「跟住到0500am,我打側瞓,面向窗邊瞓時突然間又被壓。然後圖中圈住的地方有細語聲和很實在的抓床聲和拍床聲。我再掙札再畀多d掙札,令自己可以轉過去面對那邊,然後我就大叫了一聲,再坐在床邊講粗口,然後身體不斷發抖。」

呢日坤哥去到電台做訪問,講番當時嘅情況:「有晚瞓覺被鬼壓,身郁唔到好多次,有把女聲喺耳邊講嘢,我即刻用粗口大嗌,咪搞我、走開,跟住我唔敢一個人瞓,第二晚瞓地下。」

另外,趁住新年,坤哥約埋「巨聲2幫」團拜,原來唔經唔覺已經過咗八年!不過坤哥就好慘咁問:「點解我要派(利是)?」

關注我們Facebook專頁
    相關新聞
      更多瀏覽