神之馬壯馬子妮 繼續愛回家
2017年01月19日07:00

雖然播足幾年嘅《愛.回家》已經完結咗一段時間,但係戲裡嘅「馬家」仍然留喺觀眾心中,每隔一段日子就會有網民表示懷念《愛.回家》。其實一眾演員戲裡戲外依然情常在,繼續一家親!

日前黎諾懿於社交網站貼上《愛》劇演員飯聚嘅相,而蔣家旻更係一向都經常貼出與該劇演員嘅合照,真係非常「愛回家」!由於角色相當深入民心,黎諾懿同蔣家旻嘅知名度亦因此提升!

黎諾懿入行以來演配角甚至四、五線角色居多,直至於《愛》劇飾演馬壯先開始備受注目。由於喺劇中自稱係「最接近神嘅男人」,加上其妻家族擁有10億身家,被網民稱為「神之馬壯」。

蔣家旻曾於《天與地》飾演少年佘詩曼,開始嶄露頭角,喺《愛》劇飾演馬子妮後因為角色入屋,人氣急升,於電影《第一次不是你》首度擔任女主角,更獲提名金像獎最佳新演員。

關注我們Facebook專頁
    相關新聞
      更多瀏覽