【唔離婚?】傳洗米華三億安撫Mandy 同洗米嫂合體出席慶功宴
2017年02月24日07:00

陳慧玲(Heidi)眼見自己老公周焯華(洗米華),前年年尾居然同Mandy Lieu嚟個「世紀一拖」,公然咁落洗米嫂「面」,所以洗米嫂嬲到執意離婚!不過事隔一年幾,兩人都未正式分開,事關洗米華一直唔肯動筆簽紙,佢一邊安撫洗米嫂,另一邊就叫Mandy留喺倫敦湊一對仔女。

其實之前都有報道話,洗米嫂一直都話會繼續搞離婚,但洗米華連番「出招」,包括多次話「我只得一個周太」後,搞到洗米嫂態度都開始軟化,舊年聖誕兩人仲齊齊現身太陽娛樂周年晚宴,洗米嫂仲大方將全家福貼上Instagram,更有指,洗米華已經成功說服洗米嫂唔離婚!

星期四就有報道指,洗米華經過一年箍煲,加上大灑銀彈,畀成三億Mandy同對子女做生活費,又買豪宅畀佢,Mandy就再冇搞小動作,而洗米嫂亦似乎開始原諒老公,所以早前集團舉行10週年演唱會「傳奇之夜」,一家人齊齊整整出席慶功宴,洗米華同洗米嫂仲一齊招呼客人!

不過洗米嫂同Mandy都分別向傳媒表示唔會回應事件。之旦係,「唔回應」係咪代表「唔否認」呢?

關注我們Facebook專頁
    相關新聞
      更多瀏覽