33°C
無論你做咩行業，不得不承認要喺依個九不像的時代去發圍確實係一件FF到極致嘅事，越大越認同所謂「贏在起跑線或射精前」，諗得越多越會萌生一個做咩都太遲嘅念頭，總有一個令你自暴自棄的理由，當見到身邊朋友搵到錢頓時心又會刺了一下，但我地心入面總有一個令你挨下去嘅原因，香港生活本來就係咁，怨完一輪都係要繼續頂硬上，其實與其坐以待斃，不如嘗試創造奇蹟，男人比女人好的地方就係沒有很大程度上的年齡限制，歷史至今出現不少晚年才成功跑出的偉人，燃燒一下小宇宙再睇落去 (*進入下文時首先請搬開富二代、背景厚、高階運氣等因素)
其實早我地N代前人孔子都講「男人三十而立 四十而不惑 ‧‧‧」，細個覺得30歲已經好老，大個才深明年齡只不過係一個數字，只因其實人喺咩年齡都會潛意識地覺得自己老，因為何時總有一班比自己細嘅人湧現，而隨著年紀體能差咗就無得好講，但做人同打機一樣本質就係要儲EXP(經驗值)先可以打得更遠更耐，尤其一開波就要去打大佬已經係一件十分反智嘅事，而除了錢同EXP外現實最重要的就是人脈，你不到一定年紀根本就無足夠時間去建立你的「打江山網絡」，所以單單幾件事情已經需要用年月打磨，盛年男人其實CP值才是最高且堅固的。簡單講成功之境就喺你不放棄進步的前提下配合「天時、地利、人和」的化學下作用的產物，未出現只係堅持同時機問題，千萬唔可以放棄，今日就同大家睇睇現今大器晚成嘅例子：
林雪
(圖片來源：hk.epochtimes)
(圖片來源：chuansong.me)
林雪小學未畢業，做過工廠、傢俬學徒、搬運等工作，1986在朋友介紹下做場務，叫做正式入行電影圈，屬打雜之一，多次說服杜琪峰俾個角色自己做都被拒，多番努力下後來終於得到杜Sir提拔，在《暗花》和《非常突然》有演出機會，1997年憑《鎗火》被提名台灣金馬獎最佳男配角，雖然最後與獎項有緣無份，但自此片約不斷，打開人生新的一章，活躍至今。
王德順
(圖片來源：upload-images.jianshu.io)
80歲銀髮男模王德順，79歲時候意外地走show(行天橋)，結實肌肉加上型格氣質令佢一晚爆紅，他說為了這一天他準備了60年，成功並非只靠運氣，24歲做話劇演員、44歲開始學英語、49歲創造了造型啞劇，50歲開始學游水、練肌肉學騎馬是更後的事，不斷學習+堅持就係咁，今日嘅你要狠狠記住！
池石鎮
(圖片來源：pic.pimg.tw )
近年來大家並不陌生的名字，在韓國演藝圈多年拚搏，包括DJ、節目主持、搞笑藝人、歌手及演員等，但一直都未有大紅大紫的機會，2010年終於憑《Running Man》走紅，由亞洲到外國無人不識，王鼻子大哥亦是RM主持中年紀最大的，比任何人更珍惜這個機會，每次演出都出盡全力，曾經在香港演唱陳奕迅的《重口味》及《無條件》，令人好深刻，在現今青春無敵的韓藝圈仍能搏得一席位，絕對難得。
堺雅人
(圖片來源：cdn-ak.f.st-hatena)
(圖片來源：dingyue.nosdn.127.net)
堺雅人個名陌生嗎？如果直接話《半澤直樹》男主角係咪較清楚，為了做演員打工無數的他曾任甜甜圈店員、搬屋工人、便利店店員，最想不到係佢曾經窮到把壽司店的傳單貼在牆上睇咗當食咗。2004年《新選組》山南敬助一角日本開始多人認識，後來《Legal High》、《半澤直樹》終於吐氣揚眉，其實男人小鮮肉到大叔甚至阿伯都無問題，市場永遠存在。
黎耀祥
(圖片來源：jvnan.com)
黎耀祥原來曾為TVB文職，後來轉為演員，多年來都係閒角，慢慢成為配角，多年來不受重用，1998年曾離開無線，轉戰電影圈+亞視，其後重返TVB，1996年《西遊記》豬八戒角色深入民心，2009年《巾幗梟雄》首獲視帝，共奪得三屆「最佳男主角」，仲記唔記得「人生有幾多個十年！」，時間的確好奢侈，所以我地更加要珍惜每個可以發力的機會，今日就開始給自己一個發圍的動力吧！
(6657)
這篇文章 【#大器晚成】男人幾時起步都唔好怕遲 最早出現於 MENTALK 有班男人。
