30°C
廿幾蚊就有得食！
係荃灣要食米線，選擇同款式真係琳琅滿目，小編聽聞荃灣開左間平民價米線小店，又平又好食！食為米線控既小編又點可以錯過？一上台，嘩！咁大碗既？米線份量超多，配餸既份量都毫不吝嗇，小編叫左店主推介既豬軟骨、腩肉、魚肉春卷、螺旋藻。腩肉同豬軟骨真係好正！肉質帶少少肥，店主每日文火炆到軟腍入味，食落惹味十足。
▲小鍋酸辣米線($25) (加餸+$7/8/9)，小編揀左豬軟骨、腩肉、魚肉春卷、螺旋藻，每款配料都誠意十足，豬軟骨炆得勁稔，夠哂火候，而腩肉肥瘦均衡。原來店主堅持使用雞肉、豬骨同金華火腿以煤氣爐熬煮湯底，同電磁爐煮食，煮出米線味道比較立體，所以材料都非常入味！
▲小鍋酸辣米線($25) (加餸+$7/8/9)，小編友人就揀左鹵水三寶－雞翼、豬肚同豬腸。店家取材鹵水雞翼一定係揀大碼雞翼，唔合格既雞翼必定會向供應商退貨，因為咁樣先可以確保雞翼用相同火侯熬煮至嫩滑。
▲而豬肚同豬腸亦係心機之作，事前必須洗淨，繼而切絲。兩者都保持既爽口又入味！
▲涼拌墨魚頭($35) 小編極為推介之小食，而呢個小食又唔係度度都有得食！件件墨魚頭都大大粒，而且墨魚頭食落口感超爽又彈牙，風味獨特，全因取材夠新鮮！
▲蒜泥白肉 ($38) 白肉一上台，被滿滿既蒜泥鋪著，每一片嫩滑薄片豬肉都沾上蒜泥，而且白肉肥瘦恰到好處，食落少少辣爽口，令人一舊接一舊咁食。
▲蒜拍青瓜(＄20)食左咁多肉類，緊係要食返d fresh D既野清清味蕾！青瓜好爽口, 加上蒜容同芝麻，好清新既感覺！
▲口水雞($38) 口水雞加上泡椒辣油，不過呢味小食就唔夠辣，可能岩唔食辣既朋友仔
▲山椒泡鳳爪(＄28)呢個重慶經典傳統小吃，係用辣椒炮製出的鳳爪，酸辣開胃。
▲呢間米線小店唔屬於旺區，人流未算車水馬龍，不過小編食左成晚呢度都不斷有堂食同外賣，師傅都做唔停手架！
雲家小鍋米線
地址：荃灣沙咀道328號寶石大廈地下G01舖
電話：2439 5767
文字／圖片來源：香港人.遊香港
相關文章：
