張繼聰重提當年「廢柴老公」稱號認抑鬱困擾兩夫妻

2017年11月06日12:40

搞鬼的張繼聰和他性感的老婆謝安琪，結婚十年，一直甜蜜幸福，經常在社交平台上放閃、打情罵俏。日前，張繼聰又在網絡上發放長文，但這次的內容卻充滿慨嘆，全因他在無意之間，看到7年前Kay在叱吒奪得女歌手銀獎時的片段，勾起了當時被指是「爛面聰兼廢柴老公」的難受回憶。

張繼聰在文首先回顧當時的頒奬禮，「長文，隨便出入，無意中睇到依段片，好歡樂️ 唔係講七年前我個郁同髮型帶比大家嘅歡樂，而係……七年前嘅依一日，當時嘅我可以話係考緊宇宙俾我嘅試……啱啱出世嘅朋友仔可以去歷史博物館查吓我當時嘅外號，就會略知一二當時我嘅花朵真係好猛」

張繼聰和Kay於2007年奉子結婚。婚後老婆漸漸走紅，相反老公的事業卻停滯不前。兩人在事業上，開始出現距離，有人開始替張繼聰冠上「廢柴老公」之名，令到倆夫婦頗受困擾。加上，當時流行高清播放，而張繼聰的面部皮膚欠缺保養，因此遭受到網民針對，被稱呼為「爛面聰」。更有網民恥笑他嘔心，說看到他就倒胃口。

被受各方的壓力，兩夫妻當時都雙雙出現情緒問題，張繼聰在文中提到「Anyways 當時我嘅抑鬱病非常嚴重，非常想又非常怕去依個Party 。想去，係因為太太當時成績非常出色，我一定要係現場支持佢同見証佢努力嘅成果️ 怕去，係因為我當時嘅成績非常冇乜成績.....片中所見嘅我，其實當時食行藥，所以好口乾，好頭暈，好攰，個cam又起勢隊住隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會比人點嘲笑，總之九萬幾個層次又li 又lu .....同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力，佢都係考緊宇宙俾佢嘅試....」

作為過來人的張生，呻完就當然要發放返一啲正能量俾大家：「你話世界係幾奧妙？快唔快樂，原來同得到幾多無關。快樂，其實係因，唔係果如果你咁得閒睇到嚟依到，朋友，我想講嘅係，每一個經歷其實冇乜意義，意義係由自己去界定 ‍♂️但係一定比你想像中美好同重要，就算當時係幾惡啃都好，好好行自己嘅路就掂就好似我家吓睇番段片，發現原來果日唔係路障，而係加油站令我選擇之後嘅路，決心尋找快樂同自在。亦係果日，令我更有勇氣去更多嘅頒獎禮，食更多嘅白果所以你話，人生幾美好，根本就冇衰嘢」