27°C
特種兵報告，臨近情人節，錄得各區空氣愁雲指數顯著急升及持續偏高，當中有女又愁，無女又愁。前者愁要過咩大禮比女友，令佢感受到被愛與重視；後者愁點樣奪取女神芳心，唔再空虛寂寞凍。
預測情人節當日，市區及社交網絡「放閃量」亦將提升至「危險」級別的極高水平，尤其影響準備不足或單身人士的身心健康。呼籲群眾唔想情人節最後孤伶伶過，可以參考以下情人節告白攻略做好準備，安全渡過！
（一）答案網上尋，唔洗周圍問。
科技發達，基本上要知女人或女神喜好，除咗平時細心背默佢地一言一語或者「話中有話」外，最快捷方法一定係上FB或IG搵蜘絲馬跡。如果兜口兜面問女神，佢實扯開話題吊你癮，但嚮social platform又會自動波講晒出嚟唔洗人問，順便check下邊個用心時刻follow & like 佢story更新。同時網上世界大把寶可尋，唔想齋送鮮花咁普通，不妨訂造tailor made gift，甚至參加workshop DIY專屬禮物！例如將都市霓虹燈crossover鮮花同油畫，夠晒靚同特別之餘，仲暗示比女神知你想晚晚做佢枕邊人......一個大男孩願意將打「芒亨」的寶貴時間用嚟整禮物送比自己，係女都一定冧到暈！
（Patchworkc Handmade霓虹燈花畫作 HK$380起）
集玩味霓虹燈、油畫、鮮花或乾花於一身的DIY禮物！可訂製或參加工作坊自製：
https://www.facebook.com/Patchworkc.Handmade/
（二）I MISS U感動你，這份愛太神奇。
正所謂唱情歌，不嫌多。正正因為好多男人死顧那薄過A4紙的面子，浪費咗呢樣操作簡單而殺傷力三千的冧女密技！ #乜又係你呀陳伯 有首I Miss U冧女一絕，每次chok深情樣開口唱：「I MISS U，感動你......」下一秒神奇的事就會發生，女神竟然會自動獻吻！呢個時候你需要的係乘勝追擊，拎出早已ready、內藏情深說話的頸鍊為對方戴上暖下心口，繼而融化埋佢個心。記住送女神返歸後，故事仲未完，學張志明whatsapp佢一句：「!n ssiw」，再補句「想知我講緊咩就倒轉頸鍊看」，如此對著女神說一句I Miss You，離更親密的關係不遠了。
（左至右：周生生 Love Decode系列‘loving u’18K紅色黃金鑽石頸鍊 HK$2,760；周生生 Love Decode系列‘miss u’18K黃金鑽石頸鍊 HK$3,700）
周生生 Love Decode 系列透過飾物蘊藏的文字、符號或圖案，含蓄表白愛意及情侶間的甜蜜溫馨。
（三）切忌左耳入，右耳出：左耳談情，右耳聽話。
女人淨係鍾意聽好說話，但讚得太浮誇佢又嫌你假。要提升甜言蜜語成功率，可以試下對住佢右耳細聲講大聲笑。根據德國《自然科學》月刊發表過來自義大利科學家團隊的實驗研究，發現人類（尤其係女性）大腦係會優先處理右耳接收到的訊息，而右耳正正就係由負責語言及邏輯思維的左腦掌控。約會前，不妨揀定一對優雅珍珠耳環送比女神，襯托出佢白滑肌膚；幫佢戴時順勢係佢右耳邊竊竊私語，到時你講咩佢都一定say Yes！
（周生生 La Pelle 18K黃金Akoya珍珠耳環（左）HK$2,980 （右）HK$2,280）
La Pelle在意大利語中為「肌膚」之意，採用日本Akoya養殖珍珠，喻意完美的肌膚有如晶瑩剔透的珍珠一樣。
（四）給她一杯「忘形水」，物輕情義重。
女人係水造，好易情緒波動，亦好易感動，為咗愛情佢地可以飲水飽。就好似電影《忘形水》女主角一樣，為咗愛可以不顧一切，拋開世俗眼光，追求與水中生物相遇相知相愛。約完女神睇戲，見佢喊到眼妝都甩晒補緊妝時，即刻送佢一樽呀媽靚湯補補水。咪睇小呢樽水，除咗呼應返感人電影之外，亦取替唔環保兼阻地球轉的99朵玫瑰，養顏護膚兼令對方感受到伯母給予肯定地位！水樽仲可以拎返office或者無限帶出街飲coffee循環再用，達至真正「物輕．多用．情義重」境界！
（ 由左至右：Starbucks 16oz 冰藍色不鏽鋼凍杯 $HK225；Starbucks 16oz 彩色水松木隨行杯 $HK150；Starbucks 15oz 小狗玻璃水樽 HK$150）
Starbucks情人節限定TiffanyBlue及狗年主題杯，最適合愛環保，有愛心的女神。
（五）台下十年功，決勝一分鐘。
當年睇《阿飛正傳》，旭仔咩都無用，淨係花咗1分鐘就將我女神曼玉追到手，可見真正的浪漫唔一定侷限於物質，更多係花在心思同誠意之上，大家只要享受當下的1分鐘，就有機會走埋下半世。當然愈肯花時間多溝通，就愈能夠了解彼此內在，發展長遠親密關係，就好似C朗踢波入龍最後個1分鐘，其實背後係花咗10年功力造就。想同愛人永遠記低呢一晚得米的一刻，不妨考慮下送對情侶錶陪襯，有taste得嚟又有意思。
（右男裝：Reverso Tribute Duoface 雙時區翻轉系列腕錶 ；左女裝：Reverso One Duetto Moon 雙面月相翻轉系列腕錶 各HK$91,000）
祝大家順利放閃，安全渡過214。Btw，提提各位兄弟，以上招數全年都啱用，因為嚟緊仲有314….1314……4ever…..
(6)
這篇文章 「特種兵報告：情人節告白攻略大發現！」 最早出現於 MENTALK 有班男人。
