【電視風雲】四月播《來生不做香港人》 奇妙電視靠HKTV突圍?
2018年03月16日07:00

王維基曾經打算進軍電視業,大搞香港電視網絡(HKTV),仲落重本拍《選戰》、《警界線》、《導火新聞線》等多套劇集,不過可惜最後都拎唔到牌,只好轉型做電子商貿,拍落嘅劇集就只好喺網上同公司應用程度入畀大家睇。

之旦係呢啲劇集,似乎有望喺免費台上曝光!講緊係嚟緊奇妙77台,四月中會播HKTV其中一套劇《來生不做香港人》!

奇妙電視就話:「奇妙電視將於四月中旬開始播放香港電視之製作,讓觀眾於免費頻道欣賞有關節目。奇妙電視致力為觀眾搜羅高質素節目。作為本港免費電視,奇妙電視鼓勵業界發展,讓觀眾欣賞多元化精彩節目,提供免費娛樂真‧選擇。」至於有冇其他HKTV劇會跟住出街,奇妙方面冇正面答。

據傳媒報道,《來生》只係頭炮,之後陸續會有其他港視劇集同綜藝播出。港視方面回應話:「本著為大眾提供更多免費娛樂節目選擇的宗旨,香港電視已落實將其電視製作,於奇妙電視的免費頻道播放。」

《來生不做香港人》有張可頤同劉美君做女主角,仲有潘燦良、曾偉權同艾威,卡士相當唔錯,之前奇妙電視已經搵咗王喜做創作總監,依家又用呢個方式播HKTV劇,究竟奇妙電視打算點係咁多競爭下突圍呢?

關注我們Facebook專頁
    相關新聞
      更多瀏覽