0

依加潮流唔再興睇港劇，大家通常都係去咗追韓劇睇小鮮肉OPPA、大叔暖男咁，似乎唔記得咗香港都有好正嘅本土大叔男神，下面幾個50+嘅港產靚佬你又最buy邊個？

周潤發 (63歲)

發哥近呢幾年成日都畀人「野生捕獲」，個個都同佢selfie完再share，就知發哥幾親民幾得人心〜後生嗰時嘅濃眉大眼加上眉眼距離短令佢有少少西方嘅味道，雖然依家年紀大咗眼皮鬆咗令佢對眼睇落細咗，但仍然魅力十足，比以前嘅佢多咗份成熟穩重嘅感覺，仲係超級Charm啊！

田蕊妮都成功「野生捕獲」過發哥～

梁朝偉 (56歲)

唔笑嘅時候好憂鬱，笑嘅時候又會有啲陽光嘅感覺，呢種反差真係迷死人〜〜啱啱過咗生日冇耐嘅梁朝偉年青時期嗰份青澀感顯得佢特別可愛，而到咗依家中佬呢個年紀，就畀人一種柔和和藹嘅感覺，但拍戲嘅眼神依然都係咁深邃。雖然生日照睇到佢真係冇以前咁青靚白淨，但仍然係個靚叔叔！

劉德華 (56歲)

講靚佬又點少得好似食咗防腐濟咁嘅劉德華～唔留意真係唔知劉德華係1981年出道，姐係已經出咗道成37年？？！！！！(Oh My God...) 除咗樣冇變過之外，佢嘅身型亦都冇好似一般爸爸咁有個肚腩，依然好似後生嗰陣咁fit～今年年尾佢又開演唱會，唔知會唔會再有機會睇到好似2013年演唱會嘅爆肌body呢？：P

郭富城 (52歲)

年青時期嘅郭富城完全係個喺漫畫世界走出嚟嘅靚仔！！！大眼、陽光、識跳舞又識唱歌，(雖然矮咗少少但)個Package都真係幾正架〜到依加已經52歲但仲係好似後生嗰陣咁唱得跳得，如果大家有睇年頭港台個金曲show就知佢仲係好掂，一連唱跳三首歌條氣都仲好定，果然係寶刀未老啊！

鄭伊健 (50歲)

嘅鄭伊健初初出道嗰時其實係短髮look，因為《一生愛你一個》呢隻歌嘅長髮造型而爆紅，之後就一直keep住個招牌長髮。浩南哥型到爆唔洗講大家都知，如果浩南哥係短頭髮嘅話，應該會冇咁霸氣又冇特色！已經50歲嘅鄭伊健仍然留住佢嘅招牌長髮，唔係個個可以好似佢咁留長髮都唔娘仲咁型仔架真係～

Photo source: hk01

特別介紹: 姜大衛 (71歲)

編輯第一眼睇到姜大衛後生嘅相就覺得同周杰倫超級似

當年作為武打藝人嘅John哥英姿勃勃，Man到爆嘅大俠型形像肯定迷倒咗唔少女Fans啊！再睇返前排套《逆緣》，見到佢左呃右呃個精靈樣真係唔覺佢原來已經七字頭，絕對係個靚仔又精靈嘅伯伯～

Photo source: hk01

這篇文章 [OMG] 小鮮肉進化超Man靚佬！香港6個經得起歲月嘅50+大叔男神 最早出現於 GIRLTALK 有班女仔。