【揀日本桃】點樣知個桃好唔好食?日本水果達人教路:桃表面的絨毛一嚿嚿就唔甜!
2018年07月30日23:12

【揀日本桃】見到超市開始陸陸續續多日本的桃賣,價錢差距很大,個樣又差唔多,有冇方法可以揀到甜的日本桃呢?睇下日本電視節目《相葉マナブ》點教大家!

撰文:主場・日本 | 圖片來源:電視截圖

延伸閱讀:

味精其實不太鹹!營養師教你睇營養標籤|食是食非

【出街搵食】西貢食街鹹蛋黃炸髀!500g即炸巨型雞髀+金沙單骨雞翼|西貢掃街小食|

揀桃要睇形狀

高級水果老店「銀座千疋屋」的買手表示,揀桃的秘訣,係睇外形!

兩者的分別,係A比較「靚仔」啲,圓碌碌,B嘅外形就差少少!

外形靚仔好食啲?

我哋又估下A定係B的桃好味啲!

相葉雅紀同澤部佑揀B,因為佢哋記得士多啤梨愈醜樣愈甜!

但桃又係咪同一道理呢?

答案係…… A!

桃的話,左右對稱會好食啲!

同埋最好脹卜卜!

要留意桃表面的絨毛

除此之外,都要睇下桃表面的絨毛,如果黐埋一嚿嚿,就唔好買,因為會冇咁甜!

點解呢?因為啲桃淋過雨呀!

原來果農話,淋過雨的桃,糖度會減少。

要令糖度上升,就起碼要曬番3日或以上,絨毛曬咗3日應該乾透,唔會再黐埋一嚿嚿。

如果黐埋一嚿嚿呢,就好大機會係淋過雨,又未曬番夠3日就摘咗,咁即係冇咁甜啦!

下一頁:【日本蜜瓜】日本達人傳授:揀蜜瓜心得!點樣分辨蜜瓜甜唔甜?

0
0

延伸閱讀:

【食是食非】刺身卡路里排行榜 三文魚子原來超肥!

關注我們Facebook專頁
    相關新聞
      更多瀏覽