0

唔少女仔用盡一切辦法令自己面細啲下巴尖啲，要用美圖推瘦塊面，又去畀人按摩推骨咁。不過其實唔洗咁麻煩，只要有個「轆」每日碌下塊面咁就可以消腫瘦面！

講緊嘅就係中國古代嘅美容神器「玉輪」！唔止《如懿傳》嘅如懿（周迅）不停用佢碌塊面，炩妃又有支一模一樣，《甄嬛傳》嘅華妃娘娘（蔣欣）亦對佢愛不惜手，連《金枝慾孽》嘅如妃（鄧萃雯）有用過，就知道「玉輪」喺清朝有幾流行啦〜

呢個「美容轆轆」會用玉而唔係其他材去做，其實係因為有宋代醫書記載，如果人身體上有疤痕，只要每日用好嘅玉石去捽下，疤痕就會變淡消失。所以一班後宮妃嬪都好鍾意玉輪嚟按摩面、頸嘅位置，幫助活血通絡，排毒美顏。

玉輪主要係將皮膚向上提拉扺抗地心吸力，用法簡單。利用玉輪由下巴向上輕力推到顴骨嘅方式按磨兩邊面頰，額頭做法相同。但頸部就唔好由鎖骨向上推，而係由耳背一路向頸到鎖骨咁向下推，先係正確嘅通淋巴方法〜如果有需要可以加埋護膚精華或者香薰精油按摩，加強皮膚吸收！

歐美好多網紅例如Marianna Hewitt都有用玉輪護膚保養帶起咗中國古代美容嘅熱潮，唔少護膚品牌都有推出玉輪同另一樣古代美容神器「刮沙板」，有啲仲改用其他晶石代替玉石，透過唔同晶石嘅磁場同能量達到唔同嘅保養效果。

Herbivore Botanicals

(website)

雖然呢間只有翡翠玉同粉紅石英兩款，但人氣極高！粉紅石英可以舒緩緊張同壓力，消除不安嘅情緒同增加自愛，從而令皮膚平滑透亮。

(左) Rose Quartz Facial Roller USD 40

(右) Jade Facial Roller USD 30

Solaris Laboratories

(website)

蛋白石會增強個人氣質，提升人緣，而虎眼石可以帶走體內嘅負能量，令身心平穩，最啱朝早用嚟護膚！

(左) Opal Facial Roller USD 40

(右) Tiger Eye Facial Roller USD 40

Skin Gym

(website)

呢間有成8款選擇咁多，其中仲有黃金添！黑曜石款係利用石頭本身嘅能量將潛藏喺皮膚下嘅毒素、廢物帶到皮膚表面䆁放，令皮膚由內靚到外〜

(左) Black Obsidian Facial Roller USD 68

(右) Skin Gym Gold Face Roller USD 68

(左) Blue Sodalite Facial Roller USD 32

(右) Red Jasper Facial Roller USD 32

beedewy

(website)

有凹凸坑紋嘅滾輪可以進一步刺激面上嘅穴點，加強疏通淋巴消除面部浮腫。紫水晶平靜情緒嘅功效極好，仲可以令你避開有負能量嘅人，心情好自然皮膚好！

(左) Bee Wild Jade Roller USD 36

(右) Bee-tuition Amethyst Roller USD 49

這篇文章 [BEAUTY] 歐美網紅爭用古代美容神器「玉輪」！原來如懿當年都係靠佢護膚瘦面 最早出現於 GIRLTALK 有班女仔。