【專訪】狄龍演「啞叔」孖閻奕格演音樂劇《搭錯車》
2019年04月17日11:56

如看不到 請到Youku

經典電影《搭錯車》1983年上映時就收穫無數感動,今年6月故事改編成音樂劇,由狄龍扮演「啞叔」和閻奕格扮演「阿美」演繹父女情!為了音樂劇,狄龍更專程學了一點手語,在訪問中即場示範。

狄龍首次挑戰舞台劇

雖然狄龍大哥從影多年,但今次是他首次挑戰舞台劇,他表示電影版本看了無數次:「今次好開心同格格合作,佢係一個好出色的歌手。」對於演啞巴,狄龍直言作為演員自己有潛台詞:「因為了解到佢嘅背景,同埋真實性,佢係一位拾荒者,教育水平唔係好高,好樸實咁演草根階層嘅人。」

閻奕格有壓力

而閻奕格今次是第二次做音樂劇,她說:「第一次戲份冇咁多,我係歌手嚟嘅,演戲方面要向「爸爸」請教。」在今次的《搭錯車》入面,需要翻唱不少金曲,問到出名唱得的格格會否感到壓力,她表示:「壓力係有,但未必係技巧方面的壓力,因為今次係音樂劇,唱歌唔止為了表演,係希望透露歌曲傳遞訊息畀大家。」

珍惜當下

原作電影是一部悲劇,今次搬上舞台相信都會令不少觀眾感觸,狄龍:「有啲人會觸景傷情,有啲人會身同感受,我睇呢套戲好多次,我每次都有感動位。」講到格格近年多數在台灣發展,她亦表示:「特別自己做咗歌手再睇《搭錯車》電影,好多感受。即係剛剛入行時太注重工作,依家大咗啲又喺台灣工作,所以次次返香港都會搵時間同屋企人相聚,再攰都好,食餐飯都好!希望大家睇完《搭錯車》之後感受會同我相似,會珍惜當下!」

關注我們Facebook專頁
    相關新聞
      更多瀏覽