【年度食材冠軍雞翼】4000隻尖叫雞波波池!首個尖叫雞x雞翼嘉年華 全城一齊嗌!
2019年08月16日20:58

一隻尖叫雞的叫聲,已經能在人群中引起注意,若果5000隻尖叫雞呢?今個夏天,尖叫雞大軍殺到香港,以海賊造型出席全港首個尖叫雞x雞翼嘉年華,讓一眾粉絲大飽耳福及口福,一邊聽住尖叫聲,一邊瘋狂食雞翼!

撰文:Mandy|攝影:Woody

延伸閱讀:

大坑IM Teppanyaki & Wine 米芝蓮一星鐵板燒 $698宮崎牛午餐|非常餐單

觀塘$28人氣甜品 爆餡麻糬撻 阿華田吉士+大白兔奶糖布丁脆脆 |區區搵食

最近香港人壓力太大,需要發洩一下情緒的話,就可以來到淺水灣The Pulse,與幾千隻尖叫雞瘋狂大嗌,盡情發洩!「尖叫吧!海賊雞翼嘉年華」是全港首個尖叫雞x雞翼嘉年華,除了有近百款口味的雞翼供大家挑戰,一眾尖叫雞更以海賊造型現身,讓大家化身一日海盜,與超過5000隻尖叫雞一同高呼,香港人加油!

入場時,可以叫住穿過尖叫雞的嘴巴。
每位入場人士均可得到海賊造型尖叫雞一隻及海賊帽一頂,可以帶住它們周圍影搞笑相。
到處都是尖叫雞身影。

波波池就玩得多,再介紹亦略嫌沒有新意,但又有沒有想過,可以把波波換成尖叫雞呢?這個尖叫雞版本的波波池,池內有超過4000隻尖叫雞,每行一步都有無數尖叫聲,又嘈又好笑!

波波池內簡直尖叫聲不斷,非常搞笑。
即使努力定格,依然會不小心踫到尖叫雞而發出聲響。
尖叫雞Mascot會不定時現身,與大家一起尖叫、一起拍照。

除了波波池,場內更有不同口味水煙,尖叫以後,停下來chill一下,放慢腳步,讓自己在緊張的香港平復心情。即使不喜歡歡水煙,亦可以望住180度大海景,與閨密好友邊談心,邊吃雞翼,非常梳乎。

水煙有4種口味,主要以果味為主,聞落香甜,絕不催淚。 $300-$350/壺
望住180度大海景,可以放鬆一下心情。
買8隻雞翼就可以玩一次夾公仔機,夾中就有得食免費刨冰,非常消暑。

影相打卡以外,亦可以玩遊戲贏獎品,嘉年華一共有四個攤位遊戲,難度不高,比起一般嘉年華易玩,中獎機會非常高。

1/ Throw It on

大家耳熟能詳的拋圈圈,比起玻璃樽,原來拋中尖叫雞頭更容易中獎!

2/ 摸石過海

踩住3隻尖叫雞行過對面岸,完全無難度,可以輕鬆贏到可愛造型水泡。

3/ 啜啜啜

以尖叫雞吸起軟棉棉的公仔,小貼士,愈細的公仔愈易吸得起。

4/ 有隻Chicken仔跌落水

尖叫雞以不規則次序跌下來,要捉到6隻才能獲獎,考大家反應能力,是幾款遊戲中難度最高。

雞翼嘉年華當然有得食雞翼,現場有數十款即叫即煮的辣味雞翼,包括經典初階水牛城雞翼、惹味新加坡辣蟹味雞翼、紐奧良香粉雞翼、極限級死神雞翼等,保證新鮮熱「辣」,辣得之人萬勿錯過!

雞翼即叫即整,新鮮熱「辣」。
有多款特色口味雞翼,包括新奧爾良式炸雞翼、咕嚕雞翼等。

今次本地創意雞翼品牌Wingman將於8月18日,舉辦只此一場的全港最大型辣雞比賽(Hot Wings Challenge),以號稱世界上最辣的地獄辣椒炮製出終極Hot Wings Challenge。挑戰者需於限時內完成Level 1至8的辣味雞翼,最終最辣得的勝出者,將獲得the pulse x Wingman「辣得之皇」獎杯、Wingman送出現金獎港幣1000元及價值港幣1000元Wingman現金券。

第一至第八級辣雞翼,超!級!辣!

記者親身試過,第一級的辣味雞翼算易入口,不過已經頗有辣味,而第二級開始,已經會辣到痛,攝影師更食到嘴唇紅腫,非常誇張!自問辣得之人,即管挑戰一下第八級,贏取1000元吧!

尖叫吧!海賊雞翼嘉年華

日期:8月17、18、24、25日(星期六及日)

時間:2pm-8pm

地點:淺水灣海灘道28號the pulse 商場天台

費用:網上購票$99,1現場購票$120

報名詳情:pirateswingsfest.eventbrite.com

*每張入場劵包括雞翼四隻、海賊造型尖叫雞一隻及海賊帽一頂

延伸閱讀:

金子半之助8月15日葵芳新都會商場開幕!日本第一天丼專門店 30cm炸海鰻|區區搵食

關注我們Facebook專頁
    相關新聞
      更多瀏覽