祖兒自薦幫張敬軒生仔
2019年08月23日03:00
軒仔為祖兒擔任嘉賓,兩人在台上玩得十分盡興。

【星島日報報道】張敬軒為容祖兒《Pretty Crazy》紅館演唱會擔任星級調音師,直到前晚第16場,軒仔終於上台做表演嘉賓,大爆祖兒為演出搞到外傷兼內傷,完騷後要在喉嚨插針保持狀態,祖兒不禁淚崩,感動得自爆為報答軒仔無條件照顧,若他將來沒女友幫他生仔,自薦做代母!

軒仔在台上提到十幾晚在舞台底見到祖兒為做好演唱會不但皮外傷,更內傷,前日開騷前去針灸,看骨科,擔心自己未能將最好狀態帶上舞台,怕令觀眾失望。他見到祖兒不斷付出自己,可謂搵命博,並坦言:「未見過一個Artist凌晨完騷,喉嚨仲插住六枝針,為保證第二日有最好狀態見大家!」祖兒聽罷忍不住淚灑台上,軒仔馬上送抱安慰。

祖兒其後突然凝重地表示:「我諗過對佢最大報答,如果你需要一個人,將來識唔到一個女朋友,我可以做代母,泰國捐精,哈哈哈!」爆笑全場。軒仔則嚇了一大跳,並笑言:「咁我去泰國搵得喇!」祖兒叉腰反問:「而家我好失禮你咩?」軒仔一額汗補鑊稱:「你啲基因……都好好!我覺得呢世珍惜做朋友緣分就夠,咪第時我去你屋企,應該叫你媽咪、外母好定Aunitie好?」軒仔又指祖兒甚麼都有,又有身邊人的愛,只差一戶好人家。

祖兒與軒仔合唱《櫻花樹下》後,軒仔未即時落台,卻變身為「火龍果」踩場謂:「大家有無聽過我首《Pretty Hungry》,今晚Hun唔Hungry?Hungry就畀尖叫我聽!」觀眾瘋狂歡呼!此外,前晚有胡定欣、周栢豪、莊思明、江嘉敏、葉念琛、洪卓立與鄧建明等前來捧祖兒場。

關注我們Facebook專頁
    相關新聞
      更多瀏覽