米芝蓮餐廳:【一星米芝蓮日式法國料理登陸北角 慢煮和牛海膽卷/法式鵝肝焦糖燉蛋】-BriKetenia
2019年12月28日19:23

呢間法國米芝蓮一星餐廳最近係北角開店,主廚係來自東京嘅日藉法國菜大廚中西潤也坐陣,全新創作一系列日式法國料理,主菜當中有油封鴨腿配砂鍋焗豆燉肉、烤羊架配芋泥蓮藕日本芥末汁,前菜款式都好多選擇,有慢煮和牛海膽卷、東京豐洲市埸時令生魚片、法式鵝肝焦糖燉蛋配蜜柑醬同埋蟹肉露筍湯配紅酒醋及三杯功啫喱,成個晚餐套餐前菜和主菜和選一款或者各兩款,仲可以追加甜品

▲法式餐前小食有多款選擇,有東京豐洲市埸時令生魚片、慢煮和牛海膽卷、法式鵝肝焦糖燉蛋配沙律

▲慢煮和牛卷配海膽,用薄切和牛包住牛蒡絲等等養生食材,表面放上新鮮海膽和牛肉清湯淆製嘅啫喱,味道甘甜同時不失牛肉鮮味

▲東京豐洲市埸時令生魚片,生魚片更係當地市埸新鮮直送到港,有薑汁和亞枝竹脆片點綴,魚片鮮味十足

▲蟹肉露荀湯配紅酒醋和三杯酢啫喱,選用新鮮太平洋蟹肉,配搭牛油果和露筍製成嘅凍湯,仲有加入日本醬油醋製成嘅三杯酢啫喱,味道甜甜地仲有微微酸,相當開胃

▲法式鵝肝焦糖燉蛋配蜜柑醬,配合沙律菜一齊食更Fresh

▲烤羊架配芋泥、蓮藕日本芥末汁

▲油封鴨腿配砂鍋焗豆燉肉

▲甜品追加50蚊,其中有Stuffed Confit Lemon,個杯更可以食入口,用咗糖水浸泡過

▲餐廳格局光鮮,更設有露天區,望到對岸景色

BriKetenia

地址:香港北角渣華道123號北角匯2樓206號舖

電話:3577 8108

營業時間:12:00 15:00 ; 18:00 23:00

圖片及文字來源:香港人遊香港

這篇文章 米芝蓮餐廳:【一星米芝蓮日式法國料理登陸北角 慢煮和牛海膽卷/法式鵝肝焦糖燉蛋】-BriKetenia 最早出現於 香港人遊香港

關注我們Facebook專頁
    相關新聞
      更多瀏覽