遊日本:【日本必抽!百變小櫻透明牌篇一番賞40蚊有得抽!】- bpnavi
2020年01月30日15:13

日本BANDAI不時推出動漫畫遊戲周邊商品一番賞,每次大約600日圓,折算港幣都係40蚊左右!今次百變小櫻透明卡系列就算係最低等既獎品性價比都極其之高!最大獎小櫻飾品架當然最為吸引,動畫中所有作戰既靚靚戰衣,都係由小櫻閏蜜知世製作,今次一番賞俱樂部同動畫團隊就以超夢幻白天鵝主戰衣變成左飾品架,真係超靚!抽唔到大獎都唔緊要,小櫻主題毛毯、魔法書收納盒、毛毛束口袋呢d都非常吸引!

▲A賞:睇過《百變小櫻Magic Card:透明牌篇》既朋友,一定會對小櫻好似白天鵝戰衣有印象,一番賞俱樂部將白天鵝衣服及夢之杖整成美飾品架!飾架頂端可掛上戒指、項鍊,擺係門口鞋櫃擺設放鎖匙都冇問題!

▲B賞:小櫻粉紅色毛毯,小櫻拎著鮮花同夢之杖,又浪漫又華麗。

▲C賞:呢個以《百變小櫻Magic Card:透明牌篇》魔法書為造型收納盒都好吸引!收納化妝小物真係好適合。封面同蓋內同樣粉紅色毛毯一樣既圖案!

▲D賞係毛毛束口袋,標籤印有基路仔、雪比與夢之杖,浪漫粉色夢幻令人少女心即時爆發;

▲E賞:吊飾有發現小櫻歷代魔杖(封印之杖、星之杖)同小狼的身影(羅盤與祖傳道服),絕對值得收藏!

▲F賞係粉色小櫻、藍色小櫻手巾

▲G賞:小櫻&小狼、小櫻&知世、雪兔&桃矢經典角色

▲最終賞:藍色毛毯係特別版,邊位縫線係淡黃色,整體感覺更夢幻。

▲一番賞係日本BANDAI旗下BANDAI SPIRITS所發行的動漫畫遊戲周邊商品抽獎,抽一次定價600多日圓 (每個系列定價不同)

《百變小櫻Magic Card:透明牌篇》一番賞

限定日期:2020/01/22起於日本7-11、伊藤洋華堂店開抽

詳情:https://bit.ly/2S1LRDt

文字來源:香港人遊香港 / 圖片來源:bpnavi

這篇文章 遊日本:【日本必抽!百變小櫻透明牌篇一番賞40蚊有得抽!】- bpnavi 最早出現於 香港人遊香港

關注我們Facebook專頁
    相關新聞
      更多瀏覽