大澳美食:【活化歷史酒店!邊睇海景邊歎大澳風味Tea Set!】- Tai O Lookout
2020年02月28日18:49

大澳一直有香港威尼斯之稱,係一個遠離市中心既郊區,一直都吸引到唔少香港人去呢度放鬆下。最近二級文物既大澳酒店被活化以一個新面目示人,呢間酒店位於大澳碼頭附近,十分近海邊,因此坐窗口位的話係可以望住海景、吹下海風咁用餐,都好寫意嫁!而餐廳既裝修都好有特色,係一間玻璃屋,日間時餐廳會穿透日光光線,係呢度打卡影相好靚嫁!除左環境優美之外,呢度既食物質素都唔錯,有啲菜式仲加入左大澳元素,例如蝦醬!

▲炸魚薯條現他他汁($108): 炸魚炸得岩岩好,唔會炸到過燶,而個他他醬酸酸地好開胃!

▲大澳一品炒飯($98): 其實係蝦膏炒飯,大澳既蝦膏真係好香,炒飯仲有用蝦乾同鮮蝦。

▲大澳真味下午茶($288 兩人享用): 呢個下午茶完全有晒大澳既風味呀,下午茶分別有鹹魚肉餅漢堡、黃金蝦多士、脆香蝦醬雞翼、蝶豆花奶凍、朱古力布朗尼同西班牙油條配紫貝天葵醬,岩晒又想食咸點加甜點既你!

▲羅勒蕃菇長通粉($98):食落去酸酸地,都幾重蕃茄味。

▲餐廳既椅子都係以木製為主,塗上黑色有種更型格既感覺。

Tai O Lookout

地址:大澳石仔埗街大澳文物酒店1樓

營業時間:星期一至日 07:30 22:00

電話:29858383

文字來源:香港人.遊香港/圖片來源:@charwxm、@taioheritagehotel、@foodiemayz、@konggirl.foodie

這篇文章 大澳美食:【活化歷史酒店!邊睇海景邊歎大澳風味Tea Set!】- Tai O Lookout 最早出現於 香港人遊香港

關注我們Facebook專頁
    相關新聞
      更多瀏覽