陳詩欣越南比堅尼大解放 遭百厭猴「胸襲」
2020年03月09日10:23

「宅男女神」陳詩欣(Eunice)早前與鍾晴齊齊到越南富國島及胡志明市拍攝無綫旅遊節目《32夜》,節目上週六晚播出。一如以往,主持人都會到當地「大解放」,兩位主持除了在當地歎SPA外,還繼續向陽光與海灘出發。

Eunice過往拍攝節目時均穿「一件頭」泳衣,今次實行解放尺度,首次以比堅尼上陣晒fit爆身材,Eunice笑說︰「我從來未去過越南,對我嚟講幾新鮮,陽光與海灘少不免會有水著,以前會著一件頭比較保守的泳衣,但今次我決定喺呢個咁靚嘅地方著了比堅尼。」

Eunice不但在沙灘上成功吸睛,去到動物園拍攝時,更遇上百厭猴子「鹹豬手」,她直言經歷非常難忘︰「因為鍾晴出名驚動物,我唯有自己一個拎住零食行入去同猴子玩,其實飼養員事前已經同我們講猴子已經食飽,驚入去時會唔理我們,點知猴子真係好活躍,其中有隻我估係雄性猴子,爬到我頭上,然後為了食粟米有一隻手伸咗入去我重要部位。」

被「胸襲」後的Eunice笑指事後很多人關心她,不過她卻大讚百厭猴子得意︰「好多人都關心我當時痛唔痛,其實嗰隻猴子沒有手指甲,所以冇被牠整傷,但我覺得牠們好得意。」此外,向來畏高又怕水的Eunice於節目中挑戰跳降傘,結果搞到在天空上「喊住玩」,更自嘲當時嘈到拆天!

關注我們Facebook專頁
    相關新聞
      更多瀏覽