留意馬會出手救市
2020年03月30日04:13

小投資者,真是一種矛盾動物。過去一周,N咁多位老友搵我呢位「投資明燈」問:「智豬,究竟應該幾時動用所有積蓄 身入市掃貨呢?」

你以為佢想掃貨?但,同一人,轉頭即問:「跌成咁,是否應該立即清倉,以免損失更慘重?」

大佬呀,你究竟想點?如此心態投資,必定:(一)贏粒糖輸間廠;(二)左一巴、右一巴。

冇人有水晶球,能準確預知市底(有早知仲邊有乞兒?)。但對於透明度高的藍籌股,其資產,總可以大概計到甚麼價位是「跌過龍」的。

資深股民,當然知道政府雖經常強調香港股市自由運作,當局絕對不會作任何干預。不過,當股市因心理因素而出現災難性的崩 時,為穩住全球投資者對香港的經濟信心,政府豈會坐視不出招?

政府不會用庫房的錢去買股,但有兩隻「手臂」,則可隨時用上——金管局及香港馬會。

金管局反正要投資,當恒生成分股跌到超值時,為何不掃?香港馬會也如是。

早年認識一位馬會財爺(已退休,不能開名),正是日日夜夜 住馬會的龐大儲備而「煩惱」,因自己錢易搞,「阿公錢」則只可賺不可蝕,為度「橋」要保本兼有穩定收益,五十歲已滿頭白髮。

馬會如今單單賽馬,每月投注額已近百億,再加埋賭波盤,可以想像,經常 住的,是幾龐大的天文數字現金。

馬會其中一個責任,為「維穩」,令香港民生及經濟穩定。故此,有需要時,政府眨眨眼馬會已識做。歷史上,每當股市大 ,馬會就會入市掃貨,一來幫政府解決問題,二來,作為投資也是明智之舉。

毋須公開記錄,大家都會知,過去五十年,凡股災入市者, 幾年,都會大豐收!

好了,以近日股市的走勢,馬會揮軍入市的時機又到喇。通常,不會靜雞雞進行的,因為,馬會入市,正是要安定小投資者的心。

對我來講,一見馬會郁手,就會立即陪住佢出擊兼 身。

只要有「坐貨」實力,短則半年,長則三年,肯定大豐收!

國策透視/投資王

關注我們Facebook專頁
    相關新聞
      更多瀏覽