太子漢堡:【港式創意漢堡北京填鴨+咕嚕雞!必食超邪惡陀地西多】- 包販子
2020年05月30日00:10

北京填鴨、咕嚕雞唔一定要配白飯!呢間位於太子的漢堡小店就用上北京填鴨和咕嚕雞做出港式創意爆燈既漢堡包。北京填鴨包真係有大塊鴨肉、青瓜、京蔥絲、海鮮醬好有食緊填鴨feel。而咕嚕雞包的超厚身炸雞加菠蘿再配上甜甜酸酸醬汁好開胃。而且小店係每日新鮮自家焗製麵包,誠意爆燈。不得不提個必食陀地西多,炸到金黃的西多配上花生味雪糕和焦糖花生脆脆非常邪惡!

▲ 北京填鴨包($66):酥脆麵包夾著烤到香脆鴨肉、青瓜、京蔥絲、海鮮醬,食完唔覺油膩。

▲ 咕嚕雞包 ($66): 大大塊厚身雞肉炸到香脆嫩滑、厚切秘煮菠蘿加甜酸醬,非常開胃。

▲ 軟殼蟹牛油果漢堡 ($88): 軟殼蟹炸到香脆配上牛油果、沙律菜、紫菜醬等中和油膩感。

▲ 陀地西多 ($66): 西多炸到外脆內軟,配上超凍幼滑花生味雪糕和焦糖花生脆脆,冷熱軟脆交流好邪惡。

包販子

地址:太子通菜街254號地舖

電話:26565605

文字 / 圖片:香港人遊香港

The post 太子漢堡:【港式創意漢堡北京填鴨+咕嚕雞!必食超邪惡陀地西多】- 包販子 appeared first on 香港人遊香港.

關注我們Facebook專頁
    相關新聞
      更多瀏覽