馬明被揭趕下場 賀未來岳母生日
2020年06月26日03:00
馬明離席時表示有要事,所以不接受訪問。

【星島日報報道】無線新劇《BB大晒》前晚舉行煞科宴,馬國明於火鍋店內跟台前幕後慶祝了一會約8時30分離開,戴上口罩的他沒有被門外食客認出,記者上前採訪持,他禮貌地表示因有要事在身未能接受訪問。而提早離開煞科宴的馬明,原來是為了趕赴女友湯洛雯家中為湯媽媽慶祝生日,未知《BB大晒》一班台前幕後會否覺得馬明「有異性冇人性」呢?

無線新劇《BB大晒》前晚舉行煞科宴,主要演員馬國明、岑麗香、商天娥、龔慈恩、陳自瑤及吳業坤等都有出席。提早離開煞科宴的馬國明,被揭原來是為了趕赴女友湯洛雯家中為湯媽媽慶祝生日,如此有心,難怪深得靚湯父母歡心!馬明「趕下場」曝光,全因有眼利網民在靚湯社交網站的照片中,發現汽球倒影出馬明的樣子。此外,靚湯屢次被拍得在盛夏以長袖衫褲包到冚與馬明拍拖,令網民們一頭「黑人問號」,更因此惹來懷孕傳聞,她昨晚亦在限時動態解釋因為拍攝劇集時被蚊子狂叮,冇忽好肉,才要以衫「遮醜」!

另外,岑麗香透露全劇已煞科,日前一如既往早上6時起牀,全程投入照顧兒子Jacob。香香笑說:「之前都會照顧嘅,不過另一半會多啲。」問到可有慶祝父親節?她笑說:「有啊!當日收工都趕得切食飯。丈夫(強強)係一個Super Dad嚟,佢做到自己嘅野,又俾到好多時間小朋友,其實我都好感激佢,係我嘅榮幸。」提到好姊妹李亞男日前宣布再度懷孕,問到可有衝動追第二胎?香香笑說:「順其自然啦,將來都想嘅。如果囝囝戒咗尿片先,我同老公都會覺得舒服啲。有計畫,但唔想俾大家壓力。」

問到跟馬國明合作是否開心又順利?香香說:「好開心呀!最開心係同成班人合作都好開心,好爆笑。雖然夏天拍野真係辛苦,所以煞科都好開心,但又真係有唔捨得。」說到馬明跟湯洛雯戀情已曝光,有不少藝人表示在他們認愛前已看到端倪。她笑說:「留番俾佢講啦,人哋嘅事唔多講。但都覺嘅,哈哈,但當然唔問啦!我覺得人哋開心事,等人哋去宣布,想分享就分享,唔想分享就自己享受囉。不過拍拖係應該嘅,所以我好戥佢開心!」

吳業坤劇中升呢做爸爸,坤哥直認是個新挑戰,幸好最近成為「貓奴」,可以將主子的愛轉移到BB身上。劇中跟馬明飾演兄弟,問拍攝時可覺對方春風滿面?他說:「咁又真係無喎,雖然同馬明合作唔多,但係佢真係好專業,隨時都在狀態,一心為件事好。」

關注我們Facebook專頁
    相關新聞
      更多瀏覽