佐敦素菜:【Food Court都食到日式家庭料理 鬧市中的一點素意】- MUM 日常野菜料理
2020年07月14日18:14

睇日劇或者電影都見到,日本人喺屋企食飯通常都食得幾清淡,一碗飯旁邊仲有幾個細兜放自己份量嘅餸同埋一啲漬物咁。MUM日常野菜料理係一間食日式家常飯嘅餐廳,不過佢哋就將食物轉晒做素菜,本來日本料理都唔算好重口味,配埋素食嘅話,可以當係香港人日常大魚大肉嘅一啲調劑。

不過呢個小店係喺佐敦一間酒店入面嘅Food Court其中一間餐廳,平時行過都未必會醒起入面有間素食店, 但對於好多全素食者嚟講可能食呢間餐廳都算係真正嘅享受,畢竟香港都冇乜純素餐廳。

自選三項定食配烏冬 ($115): 食客可以自由挑選冷熱菜式,再揀飯或烏冬作主食,套餐會附上味噌湯同麥茶。

自選三項定食配黃薑飯 ($100) :如果唔想食烏冬都可以選擇黃薑飯,唔似白飯咁單調,有味得嚟又健康。

▲ 信田卷 : 信甜卷以腐皮包住多款蔬菜,爽口多汁又飽肚!

田樂豆腐 :唔好以為係普通燒豆腐啊,田樂風味嘅豆腐喺日本係家庭小食,每家每戶都會食!

▲ 柚子醋漬番茄 : 番茄浸過柚子醋,非常清爽而且草青味又唔會太重,可以話係醒胃前菜!

MUM 日常野菜料理

地點: 佐敦彌敦道380號香港逸東酒店LG樓8號舖

文字來源:香港人遊香港 / 圖片來源: @littlemissfoodaholic、@foodievez 、@ nikkihongkongnikki

The post 佐敦素菜:【Food Court都食到日式家庭料理 鬧市中的一點素意】- MUM 日常野菜料理 appeared first on 香港人遊香港.

關注我們Facebook專頁
    相關新聞
      更多瀏覽