呢間餐廳位於土瓜灣，主打西式菜同甜品，老闆曾效力數間五星級酒店，食物水準好有保證！佢哋出品嘅意大利飯同意粉都好有特色同驚喜：海鮮黃薑意大利飯醬汁好濃郁，食落香甜勁開胃，仲好足料，啖啖都係魷魚蝦同青口、忌廉野菌汁貓耳朵意粉又creamy又煙韌，貓耳朵仲要吸晒啲忌廉菇汁！呢度嘅Tiramisu梳乎厘蛋香味 濃郁，更加鬆軟到入口即溶 ， 口感軟棉棉，加上淋上咖啡酒，必食！

▲ 海鮮黃薑意大利飯 ($110)：配料有蜆同魷魚，黃薑味好突出，另外仲有蕃茄，黃中一點紅！

▲ 忌廉野菌汁貓耳朵意粉 ($98)：貓耳朵吸晒啲忌廉菇汁，又creamy又煙韌！

▲ 芝士蕃茄焗肉丸 ($88)：意粉調味適中，芝士蕃茄味道亦好濃郁，肉丸一夾芝士可以拉絲，熱辣辣咁好正！

▲ 手製鷹咀豆漢堡配薯條 ($124)：素食之人都可以食嘅素漢堡排，煎起之後夾喺漢堡入面，搭配滿滿生菜同蕃茄，好fresh！

▲ Tiramisu Cream souffle pancake ($110)：梳乎厘蛋味香濃入口軟綿 ，空氣感較重，配上咖啡酒，同提拉米蘇都非常配合。

HeySoNuts

地址： 土瓜灣北帝街147號地下3號舖

電話：2687 1428

文字來源：香港人遊香港 / 圖片來源 ：＠mandypaperlab、phonebus.phonebus

The post 土瓜灣美食：【#真香港人小店 超水準西餐cafe！意大利飯＋意粉食完再Encore！】- HeySoNuts appeared first on 香港人遊香港.