【黑豹逝世】王貽興發文轟「抽水」 林作反擊:保留追究權利
2020年08月31日07:00

Marvel超級英雄電影《黑豹》(Black Panther)男主角查特域克保斯曼(Chadwick Boseman),於美國時間28日,突然因結腸癌併發症逝世,終年43歲。

From:微博/QQQ豬娛樂

From:微博/QQQ豬娛樂

From:微博/QQQ豬娛樂

From:微博/QQQ豬娛樂

From:微博/QQQ豬娛樂

不過林作轉發消息的同時,順道推銷保險:「45歲就大腸癌過身。疾病無從預測。一定要早啲check。check之前,記得搵 #林作保險。」不少網民見到帖文後直斥林作「抽水」。才子王貽興亦發文轟林作:「令壽堂俾你丟晒架,自己眠乾睡濕就係湊大個讀屎片嘅裙腳仔出嚟,諗起都戥佢傷心。」

王貽興最後更hashtag一堆文字:「想當年我搞劇你仲係咁煩住我個製片要求搲撈 #我人生唯一做過最無悔嘅決定就係同製片講死都唔好畀呢啲為搏出位咩都做得出嘅人出現響我嘅作品裡面 #我嘅劇唔係咩成功作品但最成功嘅地方係擋咗啲枉稱為人嘅垃圾冇污染觀眾對眼 #點解讀過書嘅人成日畀世人標籤歧視就係多得呢啲人辦.....無論閣下最後賺到幾多錢 #都買唔返大家對你嘅好感 #咁就一世 #買幾多靚西裝最後咪又係著壽衣 #學網民話齋 #作為某某前男友已經係你一世成就 #聽聞令壽堂當年仲要問財仔加按你哋層豪宅借錢畀你繼續揮霍媾女...唔該唔好令單親家庭長大嘅孩子蒙羞。」

 
 
 
在 Instagram 查看這則貼文

就算啲人懶係智將話佢其實幾識反向宣傳都好 病毒行銷都應該有底線 底線就係對於逝者嘅尊重 有啲水唔應該抽 有啲唔適當嘅說話唔應該講 講少句唔洗死 世上有啲嘢 唔係話咬文嚼字同人拗咩在生時講佢就唔算消費咩? 點解死咗就唔講得什麼什麼 你不如諗吓 點解今日世上千萬人提到Chadwick Boseman 就得你一個畀人鬧到上天花板 真係因為你天生矮?髮型核突?面目可憎? 個底太花?罄竹難書? 定係因為其他人提及都帶住善意,尊重同懷緬 係純粹嘅不捨同告別 但你就提及之餘又借啲意推銷你嘅保險呀? 呢啲咪就係心地唔好,消費他人的不幸囉! 有人可能本身做藥房做殯儀做醫護甚至賣豬大腸 佢地提及果陣都冇借啲意叫大家幫襯佢 就係因為佢地都知道呢啲時候唔適合講呢啲 唔得體唔尊重唔禮貌嘅說話 枉你仲話仰慕英國文化 連呢啲基本禮儀都唔曉 係咪令壽堂臨瞓前冇摸住你個頭同你講 你就唔知原來逝者要懂得尊重?唔知咩叫同情? 見你覆每個留言都係小學雞嗌交 執住耶穌死咗 教友提佢係咪等於消費佢呢點不停copy and paste 我就知道點解閣下響律師呢行撈唔掂要轉行 呢個世界有所謂道德同文化制約 亦即所謂禮義廉恥,道德底線 係經由大眾觀感約定俗成共同遵守 呢啲死人財你都想衝出嚟發 係咪真係咁撈唔掂呀? 枉你仲話自己邊度畢業 真係讀過幾多書都唔代表你有家教 令壽堂畀你丟晒架 自己眠乾碎濕就係湊大個讀屎片嘅裙腳仔出嚟 諗起都戥佢傷心 雖則我知道閣下係個病態嘅attention seeker 總之有人講你提你就好high好有成就感 我依家就唔提你個名嚟話你 等你到喉唔到肺chok住chok住 所有加入佢所謂團隊嘅保險從業員 我都奉勸你地 係咪想以後行出街一sell保險 啲人都會退後兩步反你白眼鄙視你 心諗:有正常智商同禮義廉恥都唔會跟個 冇家教冇道德唔識尊重其他人嘅病態attention seeker 你咁都跟機擺明都係同一類人 我就無論點都唔會幫襯呢啲人 我買保險 一定揀啲有口德又識尊重人嘅 親愛嘅香港人 你地唔係想至愛親人走咗 都畀佢拎嚟消費拎嚟抽 抽完仲要同你拗吓話 #checkcheckcheck識唔識factcheck呀人地享年43歲唔係45歲呀 #不求甚解你簽保單係咪都咁求其 #真係戥你啲客驚 #真心懷疑你讀書寫論文係咪都咁 #想當年我搞劇你仲係咁煩住我個製片要求搲撈 #我人生唯一做過最無悔嘅決定就係同製片講死都唔好畀呢啲為搏出位咩都做得出嘅人出現響我嘅作品裡面 #我嘅劇唔係咩成功作品但最成功嘅地方係擋咗啲枉稱為人嘅垃圾冇污染觀眾對眼 #點解讀過書嘅人成日畀世人標籤歧視就係多得呢啲人辦 #dontmakestupidpeoplefamous #罰抄100次 #求學不是求分數 #係求你做人做事要有分數 #即係分寸 #無論閣下最後賺到幾多錢 #都買唔返大家對你嘅好感 #咁就一世 #買幾多靚西裝最後咪又係著壽衣 #學網民話齋 #作為某某前男友已經係你一世成就 #聽聞令壽堂當年仲要問財仔加按你地層豪宅借錢畀你繼續揮霍溝女 #唔係你以為做大律師做補習天王真係搵到食呀 #圖片轉載自杜汶澤喱騷 #唔該唔好令單親家庭長大嘅孩子蒙羞

王貽興(@ongyihing)分享的貼文 於 張貼

林作星期日還擊:「我啊媽打嚟,認真問句:佢乜水?lol enough said. 拍咩劇寫咩文,效果都係一般,絕對唔係個成功人。靠抽水同我一般見識就真係前輩。幾年前就已經領教過此人之卑鄙。我以為佢係感情專家,同佢私底下於Facebook Messenger 傾咗一陣,甚至好似有講過吓電話。然後呢?佢轉頭將一部份明顯係私人對話寫咗出嚟擺上網。當時我就知道,此人絕對係小人。」

林作續謂:「最不要得的是,佢最新攻擊我的post裡面一個hashtag講到聽聞我媽媽借財仔俾錢我溝女,呢種毫無事實根據嘅言論,其實對我而言唔叫誹謗中傷我真係唔知係咩。我保留一切追究權利,雖然學我老母話齋:識佢老鼠(媽媽私底下真實對白)。」之後林作hashtag寫道「#聽聞佢私底下啲嘢好差 #收過不少message甚至朋友經歷唱佢 #有料嘅人鬼得閒寫咁多嘢 #冇新聞巴不得搵嘢講。」

From:微博/QQQ豬娛樂

最強大腦林作:今日係風和日麗的禮拜六。本人早上11點見客收單,1點見CV客戶改CV,3點教書至6點,7點見第二個CV客戶。

咁樣有幾多錢賺?5位數。不多,但充實。幫到人,有意義。你睇我笑到幾開心就知我幾春風得意。

你嘅禮拜六,又係點過呢?

#林作保險 #林作全職獵人久保履歷表塑造服務 #林作雅思 ​ -- 最強大腦林作

From:微博/最強大腦林作

From:微博/最強大腦林作

From:微博/最強大腦林作

最強大腦林作:八號風球,但係又搵到錢,做咩好?買西裝。買最貴嘅。咁上次買完西裝,今次買咩?買皮鞋。皮鞋界的皇者是誰?是 Berluti. 師傅清洪著過介紹,義大利一百多年前工匠,紮根巴黎,至今都主要只做男裝皮鞋。香港炎熱,皮鞋熱死,點算?買最薄的,買冇lining嘅。袋鼠皮,激薄,0.01 般。1萬元一對, permanent collection, 比起一般老正激硬款便宜近一半。咁平,點算?一次過買兩對輪住著,一對 Oxford lace up, 一對 loafer, 前者仲學埋著名Berluti knot點打。

身材比例唔好,so what? 著鞋冇分別啦掛?我就睇你班友今次又點串我。就憑你腳上對淘寶?!

想好似我咁?

跟我搵食,加入我 #林作保險# 戰團。冇行業比保險更好搵。Ibankers、大律師、醫生,喺我年紀都唔會捨得買 Berluti, 最多咪 Crocket & Jones 同Church』s. 我已經有兩對。

正式宣佈,第三軍團組團完畢並已經開始集訓。目前合共70人,每班20多名。第一班過半已經投入做嘢。

不需要年底我都有100人了。不需要兩年,我都會有月薪100萬了。

林作保險戰團第四梯隊,正式開始招生。

今次,一次過打爆佢,四個梯隊,一百人。

說到做到。 -- 最強大腦林作

From:微博/最強大腦林作

From:微博/最強大腦林作

From:微博/最強大腦林作

From:微博/最強大腦林作

From:微博/最強大腦林作

From:微博/最強大腦林作

From:微博/最強大腦林作

From:微博/最強大腦林作

 

關注我們Facebook專頁
    相關新聞
      更多瀏覽