許芯悅喊爆 聲稱狂收辱罵短訊
2020年09月25日03:00
許芯悅昨日在活動上喊爆,指收到辱罵短訊,不想再被人身攻擊。

【星島日報報道】許芯悅早前與楊明合作拍電影,傳楊明女友莊思明「打破醋酲」監場阻止女性埋身,許芯悅則指被對方眼神嚇親。前晚許芯悅到荃灣出席頒獎禮活動,抽泣哭訴收到辱罵短訊。莊思明兩度在社交網怒斥被人利用見報,並透過短訊轉述對方的道歉內容,嬲爆轟其作故仔屈人還大聲夾惡,不想再提此人。

許芯悅在活動上談及事件,便低頭兼手震沉默30秒,才哽咽回應說:「我唔可以講任何野,報道後我收到短訊罵我,唔想再被人身攻擊、侮辱同詛咒我。(邊個攻擊你?)有一個人我唔想提及佢!」問會否好怕再遇到對方?許芯悅邊抽泣邊說:「到時先知道,唔係個個都會將短訊畀記者睇,令到自己可以上C1,C1唔重要、錢亦都唔重要,人矮做Model亦唔代表人格差!(會否找楊明解決事件?)我冇佢任何聯絡方式!」

莊思明兩度在社交網鬧爆被人利用見報,她在社交網留言:「預咗啲講開大話嘅人係唔會咁容易收手㗎啦!你要繼續老屈作故仔博見報你咪繼續囉,公道自在人心!我又唔知你係邊位,同你講多都嘥氣。」其後再發文轟對方是「小丑」。

之後思明透過短訊回應,問會否覺得對方所指的是她?思明說:「關於她的事我不會再回應,鍾意講大話就由她繼續講,我真的問心無愧,劇組可以作證,我亦不想再幫她見報!」有指許芯悅另一邊廂卻向她及楊明道歉?思明轉述其道歉內容「抱歉兩位,唔知報道會咁」,又嬲爆說:「算唔算一個有誠意嘅道歉?作完故仔去屈人仲可以大聲夾惡真係服咗佢!我真係唔想再講佢,總之佢講嘅一切都係大話!我唔想再俾佢利用,所以唔需要再問我,謝謝!」思明懶理對方「哭訴」,昨日原來是她的愛犬生日,她在社交網上載開心慶生合照:「時間過得真係快,轉眼間你就一歲大啦……希望你可以繼續健康快樂咁生活,做一隻無憂無慮、心地善良嘅開心狗狗。」

關注我們Facebook專頁
    相關新聞
      更多瀏覽