【是非】發火鬧爆鄧佩儀?張頴康貼合照:請各位高抬貴手放過我哋啦!
2020年09月28日14:12

鄧佩儀(Gloria)與張頴康合作新劇,有指Gloria擔大旗做女一,壓力爆煲搞到頻頻NG,令同劇張頴康在片場發火鬧爆她!對此,張頴康在社交網貼出和鄧佩儀合照,以及一張在劇中「一家三口」合照,力證沒有不和,留言:「呢幾日不停有工作人員問我:『你發火咩?』﹑『係幾時嘅事?我想睇呀』﹑『乜原來你識發火㗎?』到今(昨)日服裝姐姐都同我講:『我睇住你訓練班出嚟咁多年,你都唔會發火嘅』,好啦,既然大家咁想睇我發火我就發俾你睇啦!嗱!鄧佩儀,如果你以後咁少時間瞓覺都早到現場,我發火爆你㗎!如果以後你NG少過我,我即刻發火爆你㗎!其實,我哋合作咗都係得十日八日,大家都仲係磨合緊,何來會有不和呢!不如俾啲空間我哋啦,我哋都係想盡力做好個戲俾大家睇啫!請各位高抬貴手,放過我哋啦!死火嘞!講到好似我哋有路咁樣添!不過算啦,我老婆唔會誤會就得喇!」

From:微博/傅yam

From:微博/傅yam

From:微博/傅yam

TVB官方微博:【娛樂新聞台】譚俊彥張頴康「情侶檔」再上陣
譚俊彥同張頴康日前同蔣家旻、鄧佩儀、劉佩玥等齊齊為新劇《逆襲人生》拍攝外景,由朝拍到黑!今次新劇,常有合作,曬到一身黑嘅譚俊彥同張頴康再度拍住上,就連譚俊彥都笑稱佢同張頴康係情侶檔添!而蔣家旻就爆料佢喺套劇入面有連場喊戲,大呻有壓力!鄧 -- TVB官方微博

From:微博/TVB官方微博

From:微博/鄧佩儀GloriaTang

From:微博/鄧佩儀GloriaTang

關注我們Facebook專頁
    相關新聞
      更多瀏覽