不只是風花雪月的Live 伍仲衡
2020年10月07日13:15

疫情持續,新興的娛樂,是看網上直播如付費演唱會;免費的還有IG live、fb live,攝位風花雪月,自娛放負。

音樂人伍仲衡(Harry)的fb live,由四月開始,至今每周兩次,累積已有近三百萬人收看。直播中的他時刻接點唱Order,十指以琴鍵奏出旋律,快過歌者找歌詞,更被譽為「神之手」。「彈?琴三十幾年,我太鍾意八、九十年代?流行曲,由校長、哥哥、梅姐、學友開始,我冇刻意去記?歌點彈,係muscle memory,入晒血。

「我學琴唔鍾意睇譜,考琴都係??合格,但就好鍾意自由、即興,聽流行曲『執歌』。以前冇YouTube,我係聽住cassette帶,每首歌逐個bar逐個bar去聽,再?個琴度執番成首歌出?。音樂唔係用雙眼學,有唔少人冇樂譜就唔識彈,用耳仔學音樂,反而會獲益更多。」

眼見未為真,所以伍仲衡放棄攻讀前途無限的土木工程,於九十年代便全情投入做Band仔。「俾屋企人鬧?三年,但我決定做呢樣?,就冇得返轉頭,咁就做?廿四年。」

人生,思考不來,也是一場Live。沒有樂譜、沒有劇本,隨時要執生,與其步步為營,何不如四十五歲的伍仲衡般,自由奔放、隨遇即興?

撰文☆吳靜 協力☆何碧珊 攝影☆何國豪

髮型☆Casei Wu @ Beijing Hair Culture CWB

場地提供☆NH5 Studio

設計☆李浩然

跟女神做Friend

伍仲衡做fb live的初心,除當正能量充電器,其實也源於音樂。「我一直都有同側田、Mr.?布志綸同埋一?樂手,?一?live house度jam開歌,但因為疫情,我?冇晒呢?活動,布志綸話好悶,我就叫佢上?我studio玩,於是就做?第一個fb live。」

訪問在伍仲衡的私人工作室進行,他坐在平日做直播的錄音室,彈?沒插電的電子琴,一樣勁度十足。「之後我call一?好朋友上?做,王馨平、王菀之,?人睇live睇得開心,我有得jam歌都開心。Vivian(周慧敏)睇到,就話&#134513家好多人?屋企好悶,叫我keep住做,佢見我之前冇乜玩social media,仲教埋我開fb page添。

「其實識到Vivian,仲同佢做埋好朋友,都算係我入行咁多年最難忘?事。我讀中學?年代,佢係『玉女掌門人』,即係&#134513家?女神,我中六?時候,佢係聯校歌唱比賽?表演嘉賓,當時佢要唱〈天荒愛未老〉,就問台下有冇同學識彈,我俾人推?出去彈,可惜冇影到合照!到?八年識?佢之後,我都有同Vivian講番,真係發夢都冇諗過!」

入行廿四年的他,近年雖已減產,但仍有為周慧敏製作新歌,多年下來,他創作及製作的歌曲近二百五十首,當中最花時間製作的,是衛蘭的歌曲。「首歌唱?成四十個鐘,經歷?三間studio,衛蘭自己都講過,當我同佢都覺得唱得好?時候,黎生(衛蘭當時所屬唱片公司老闆黎明)唔收貨,仲提議一?新?唱法,佢要求好高,而出??效果梗係好過原先?版本啦!」

▲元祖女神周慧敏是他固定開fb live的支持者,還指導他開個人fb專頁,「我之前唔玩social media,係Vivian叫我要keep住做live。」近年減產的他,最近也為好友寫歌。

▲由四月尾至今,他已跟多位音樂人舉行了三十多場fb live,溫碧霞為其中一位嘉賓。

▲伍仲衡熱愛八、九十年代的廣東歌,張學友是他其中一位偶像,入行後他先後與偶像於三個演唱會中合作,「開心,但走埠好辛苦。」

▲在伍仲衡眼中,黎明對歌曲要求甚高,以實力著稱的衛蘭,也被前者多次要求重錄歌曲。

幸運食水尾

見伍仲衡於直播中,首首膾炙人口的金曲也手到音來,全因日子有功。「八歲?時候,我媽媽就俾我學琴,但係我令教琴老師好激氣,因為我唔練琴又唔鍾意睇譜彈,反而鍾意彈流行曲,我鍾意自己搵番成首歌?旋律,第一首係煇哥(顧嘉煇)寫?〈心事〉,坐?個琴前面、聽住cassette帶搵,兩個bar聽五十次、一百次,連餅帶都整爛。」

對流行曲的熱情,更令年少的他放棄學業。「當時我?科技大學讀土木工程,但只係返?三個學期,當時我贏?創作比賽,開始識到一?唱片公司?人,後來因為經常缺課而被停學。初時梗係唔講俾屋企人知,我仲日日返學校,教流行曲鋼琴同夾band,點知學校寄信通知屋企人,我仲俾佢?鬧?三年。」

雖為家中長子,但伍仲衡沒有經濟壓力,在父母的反對下,他仍一意孤行,走其音樂路。「?時連新機場都未起,土木工程好似好有前途咁,但係我唔鍾意,點做都唔會有成績。九三年我冇返學之後,就教琴同寫流行歌書維生。以前報紙檔賣?《金榜猛歌》,就係我幫出版社寫?,寫曲譜之外仲要寫埋歌詞,每一首一百一十蚊,雖然錢唔係多,但耳仔靈敏度?training,係我賺到最多?。」

同時他也埋首作曲,當時「歌庫」存量豐富,九六年便成功售出首作:陳曉東主唱的〈愛你(躲你)〉。「我好好彩,食到本地音樂蓬勃?水尾,&#134513家入行?話就唔得?!?時屋企人都唔係好支持我行呢條路,但難得我搵到一樣自己鍾意做?事,直至九八年,佢?睇電視見我?顧嘉煇手上拎?個作曲獎,就開始支持我?。」

▲原本家人反對他棄讀土木工程,投身音樂做Band仔,但九八年他從顧嘉煇手中,接過「Cash流行曲創作大賽」冠軍獎座後,父母也開始支持他的決定。

▲在伍仲衡的工作室,放?他於不同的創作比賽中贏得的獎項,當中對他影響最深的,是他大學時期贏得的創作比賽冠軍(左)。

給Ex寫好歌

除了家人,伍仲衡也感恩遇到不少伯樂。「我好好彩,入行一直都遇到好多人幫我,唔係荊棘滿途到冇錢開飯??,玩音樂好難發達,但好有滿足感。」

創作人最怕思路閉塞,他保持樂思暢通的秘訣,則相當淺易而易令人共鳴,「Deadline!只要Deadline一到,我?靈感都自然?晒。

「失戀都好緊要!我有?歌係同?Ex分手之後寫?,好似李彩華?〈愛一個人原來不易〉、Sammi?〈時間之光〉同軒仔?〈老了十歲〉。佢?(前度)未必知係寫俾佢??,因為都冇朋友做,冇聯絡?!」

隨即他有感而發地附加:「如果隔籬?個唔支持,(玩音樂)就會好辛苦??」

近年產量銳減的他,開始涉足電影配樂:「我覺得創作係有期限,以前一年可以寫四十首歌,&#134513家真係迫唔到;我想試?新??,於是就問金培達要唔要電影配樂,&#134513家仲係學緊?。不過,配樂?自由度更加大,見到音樂令到成個畫面更好睇,我有好大滿足感。」

▲中學時代的伍仲衡,常於學校的歌唱比賽中,擔任「人肉MMO」,為同學伴奏。

▲九九年認識王菀之後,他引薦靚聲入環球唱片,開始fb live時,王菀之也有為好友擔任嘉賓。

▲鄭秀文的〈時間之光〉,是伍仲衡為前度所寫的其中一首歌。

無知的小孩一晚長大

「時日太快,無知的小孩一晚長大??」

讓伍仲衡在自己的作品中,尋找一首形容人生,他就選了劉德華的〈一晚長大〉,「呢首歌講成長,唔係情情塔塔,成長係每個人必經?階段。我最幸福?,係一直都做到自己鍾意做?事。」

除了音樂,曾幾何時,伍仲衡還是足球小將,是校隊的「黃金右腳」。「我鍾意馬勒當拿,但我左腳唔得,右腳又OK喎,?傳中波都斬得幾準,可能因為咁就被指派踢右翼。」

時日太快,長大後的無知小孩,少了落場踢,疫情下也只可online FIFA,但捱夜睇波的熱情仍然不減。就算成長了,還是需要Keep住一團火。

▲▲伍仲衡(前右四)的人生不只音樂,中學就讀於九龍聖芳濟書院的他,曾為學校足球隊成員,司職右翼。上周他也有為好波捱夜,對足球熱情依然。

關注我們Facebook專頁
    相關新聞
      更多瀏覽