周杰倫、昆凌與一對仔女，搵埋朋友一齊扮《愛登士家庭》。

【星島日報報道】一眾藝人前晚萬聖夜各有各精采，周杰倫、昆凌和一對仔女搵埋朋友齊以黑色喜劇《愛登士家庭》為主題，模仿電影海報姿勢、造型似到足，用心程度絕對滿分！而昆凌一頭超長直髮、蒼白臉色，配上血紅唇色及陰森眼神，同女主角Morticia扮相極似。

另一邊廂，徐若瑄前晚從台中趕回台北，和囝囝Dalton及一班好友開派對慶祝，由於Dalton扮演遊戲角色「Mario」，於是徐若瑄就配合扮成Mario最好的烏龜玩伴「Yoshi」，還孭起囝囝，非常甜蜜。

郭富城的太太方媛雖然已是兩女之母，但紮起孖辮扮美少女戰士「月野兔」依然少女味十足，難怪一眾網民留言讚她靚。至於周家蔚就相約鍾麗淇、湯盈盈、梁靖琪、文頌嫻等一班姊妹扮鬼扮馬慶祝，其中鍾麗淇換上孖寶兄弟「Luigi」全套裝束最有誠意，不過「七魔女」就欠了佘詩曼和姚樂怡。