與謝天華首度合作鬥戲 周柏豪:一次過感受哂港產片最強嘅戲碼
2020年11月09日15:28

由謝天華、周柏豪、呂良偉、連詩雅主演的犯罪動作電影《無間行者之生死潛行》即將上映,電影被喻為《無間道》後最令人期待「港式臥底電影」,片中謝天華及周柏豪分別飾演黑幫及反黑隊要員兩個黑白殊途角色,原來二人真正身份反差極大,是雙方安插在對方陣營的臥底。二人在片中除了角色對立,既要挑戰打戲,更要大鬥演技。

謝天華在片中多場社團群戲中不停大打出手,絕對是體力大挑戰。天華笑言接拍這部電影是自虐式:「今次拍攝動作場面相當疲累,因為唔係打人,係無限量咁捱打,畀人打到停唔到,體力上係非常之攰。不過同到一班好戲之人好似呂哥、Benz哥對戲,仲有同柏豪互相試探、衝突,過足戲癮,幾攰都值得!」

天華、柏豪二人雖然從未合作,但柏豪直言二人惺惺相惜:「好珍惜同天華哥合作,對我嚟講係一個好好嘅機會。雖然片中我哋兩個人嘅角色係對立狀態,但係埋位前都會傾計培養默契,所以拍攝時氣氛都好愉快。今次仲要係我第一次喺電影入面情緒起伏咁大,特別難忘。」

電影中周柏豪飾演的段一凡被黑道中人陳啓泰一手裁培,由大學生演到總督察,柏豪演活這個黑道臥底的整個成長階段,難度不少,不斷打破演出上的框架。柏豪亦坦言一直期待接拍如此男人味濃的電影:「今次參與《無間行者之生死潛行》特別爽,因為可以一次過感受哂港產片最強嘅戲碼,好似飛車、追捕同鎗戰場面!希望觀眾都可以入戲院爽下減下壓!」

關注我們Facebook專頁
    相關新聞
      更多瀏覽