【接吻零尷尬】周柏豪首演反派 最難忘連詩雅鹹眼淚
2020年11月16日17:24

由謝天華、周柏豪、連詩雅主演的犯罪動作電影《無間行者之生死潛行》即將上映,結集多位實力演技派的資深演員坐陣,包括許紹雄、陳啓泰、吳毅將及黃德斌等,分別飾演黑白兩道互相制衡的重要人物,卡士強勁!

片中周柏豪及連詩雅一條感情線未上映已充滿話題。柏豪及Shiga相識十多年,二人在電影和音樂上緊密合作,現實中以師兄、師妹相稱,今次在《無》片中已經是第四次飾演情侶,不過二人仍然樂此不疲,柏豪笑指:「同連詩雅演情侶已經去到搵唔到一個更夾更有默契嘅御用情侶檔CP!幾年前,拍《太爆.太子.太空艙》都同Shiga拍過親吻戲,嗰次佢仲要喊住同我激吻,我食晒她啲好鹹嘅眼淚,估唔到人生入面錫連我個女嘅眼淚之前,竟然係錫連詩雅嘅眼淚!所以嚟到今次拍《無》片親吻戲其實已經訓練有素,已經係零尷尬,我哋識咗超過十年,熟到爆,有晒默契,而我太太知道對手係Shiga都好放心啦!」

而Shiga則表示:「原本劇本係冇今次嘅接吻戲,其實係導演臨時加插,戲入面有場求婚戲,我同柏豪一齊睇樓和睇傢俬,所以就好自然咁錫咗一啖。雖然事前冇心理準備,不過我哋真係太熟,秒速已經入到戲,心諗錫就錫啦!我同柏豪嘅感情就係一齊成長建立返嚟,而喺片場都會同佢溝通好多,希望每次都畀到唔一樣嘅感覺畀觀眾。」

提到二人今次在《無》片最大挑戰,必定是柏豪臥底角色被起底,連累未婚妻Shiga遇上生命中最大危機,柏豪回憶起拍攝當日仍然非常難忘:「最衰都係我呢個反派!其實我一直都恨演反派,今次終於恨到,點知換嚟Shiga要為我犧牲!因為我個角色段一凡由讀書開始已經被培訓做臥底,人前係紀律部隊高層,但係人後就非常寂寞,心情好複雜,日日擔心秘密身份被揭開。我喺電影入面淨係同Shiga拍拖嗰陣先可以做返自己,係我嘅動力同希望,所以知道Shiga出事嗰場戲,係我電影演出上最歇斯底里嘅一次。仲記得Roll機之前自己坐埋一邊培養情緒,成隊crew冇人出聲,畀空間我去投入個戲,所以特別難忘。」

而Shiga亦被柏豪演出大受感動:「出事嗰場戲其實係講我已經係被槍殺咗,冇晒知覺,所以我要全程趴喺地下。聽到柏豪喺我旁邊聲嘶力竭咁喊,仲要成個人震晒,真係感受到佢做足準備同非常投入到角色,所以導演第一Take都已經好滿意佢嘅表現!佢嘅深情演出,我會畀滿分!」

關注我們Facebook專頁
    相關新聞
      更多瀏覽