【仔仔滿月】「新手媽媽」原子鏸餵人奶 讚老公餵奶換片樣樣掂
2021年03月17日16:08

上月原子鏸(Marsha)為摩洛哥籍老公Mehdi El Ajimi誕下混血萌B Matys El Ajimi,正式晉升人母。適逢仔仔滿月,近日Marsha一家三口帶同愛犬影全家福,期間Matys不時對著鏡頭放電,融化全場女心,就連Marsha也被仔仔冧爆:「雖然瞓得唔係幾好,但每一次望到佢,我就覺得一切都好值得,因為佢真係好得意。」

原子惠Marsha:在Matys兩周多一點的時候,我們給他拍了新生照。然而在他滿月的今天能拿回這些照片,實在很美好的禮物!謝謝#theheavenslove 所拍的照片,感謝你們在拍攝過程中十分專業的照顧Matys。這是當天的幕後花絮,我會慢慢地和大家分享我們那天拍的美麗照片🥰 #致可愛的你# -- 原子惠Marsha

From:微博/原子惠Marsha

初為人母一個月,「新手媽媽」Marsha自言不覺辛苦,並透露現時哺餵母乳:「對我嚟講係一份好美麗嘅回憶,因為可以同BB更加親密,呢種感覺真係難以言喻,只有做人媽媽,先會有呢份體驗,不過BB依家成日肚餓,所以都有啲難湊。」為了讓Marsha適時休息,老公主動舉手輪更,令她好不感動:「佢幫咗我好多,大概每晚九點到凌晨兩點就會輪更,幫手餵奶、換片、抱住BB瞓覺,佢真係一個好好嘅爸爸。」

原子惠Marsha:小寶貝Matys今天滿月啦🌕🌕🌕~
一個月的時間,他臉上已經長出了胖嘟嘟的奶膘,他的衣服從本來寬到可以在裡面游泳,變成了現在已經快穿不下了!!很感謝讓我經歷這段寶貴的時光~
寶貝~我們都很愛很愛你!🥰🥰🥰
@鄭佩佩 @BenBen王斌 @Nic若蘭 @Harryhyuan @鄭保佩 @顧忠山LawrenceKu @凱藝國際
-- 原子惠Marsha

From:微博/原子惠Marsha

除了「神隊友」好老公,身在美國的鄭佩佩雖然未能回港探孫,但也會通過視像通話,隔空「抱孫」、為女兒打氣;問到媽咪有否傳授育兒秘笈,Marsha笑言:「媽咪冇乜教我,因為佢已經唔記得晒!不過佢話我哋細個成日趴喺度瞓,依家好多人都話呢個睡姿比較危險,所以我都係等BB起身,tummy time(俯臥時間)先畀佢趴一陣,訓練頸部嘅肌肉協調。」

 

關注我們Facebook專頁
    相關新聞
      更多瀏覽