【網民熱話】廉價「兩餸飯」再次湧現反映經濟不景|係貪方便唔使煮定其實係窮?
2021年06月21日12:54

【網民熱話】廉價兩餸飯再次湧現反映經濟不景?

自疫情出現以來全球經濟受到嚴重打擊,不少企業大裁員、減薪,甚至結業,當然香港也不能幸免,公務員凍薪,打工仔手停口停已不是新聞,有細心市民留意到,每次經濟不景的時候,平價的「兩餸飯」會再大規模出現,總有一間在附近,有網民留言表示「三十多元有雙餸,有飲品,對基層來說是福音」,也有網民反駁「一個人住,好又一餐,不好又是一餐,懶得煮」,大家記得在疫情前光顧廉價「兩餸飯」是甚麼時候?

網友點睇:

SHUFFLING:物價開始走高,尤其食材成本,基層明顯無係呢場資產價格上升走勢上有任何得益,人工無上漲、生活成本就係咁升,被迫開始轉去低級消費,呢種趨勢會慢慢散開去更大既範圍,香港已經慢慢走緊去滯漲,榨乾消費力。

比卡超車車:今鋪真係要怪美國印咗咁多錢,美國救市規模係全球最大,而且港元同美元掛鉤,對香港既影響係首當其衝。

豬席我發炎鉛筆:$3X 蚊兩餸有紙包飲品,仲可以多飯,如果真係低下階層,分分鐘可以食到兩餐/夠兩個人食,其實對佢地嚟講平過自己買嘢煮。

magical:唔洗買餸,洗同煮,已經贏左好多時間。

SHUFFLING:所謂既兩餸飯平唔係因為食材平,而係整體質素下降,先導致個售價平咗,所以話係低級消費係無錯,有啲巴打可能本身洗費都係啱啱好既月光族應該會有好大嘅感覺。

躺平達人 :慳咗租同樓面,又食正外賣潮。

菊花樹下:而家好多兩餸飯嘅舖位本身係茶餐廳,茶餐廳呢幾年愈來愈貴,無人幫襯結果又執晒,轉晒做兩餸飯仲好賺。

The post 【網民熱話】廉價「兩餸飯」再次湧現反映經濟不景|係貪方便唔使煮定其實係窮? appeared first on Capital 資本平台.

關注我們Facebook專頁
    相關新聞
      更多瀏覽