黎明伊健合體望擊退疫情

2021年07月17日03:00
■黎明與伊健首次在紅館合唱。

【星島日報報道】(星島日報報道)鄭伊健前晚擔任黎明(Leon)「Talk & Sing紅館演唱會」第6場表演嘉賓,兩人提到於2003年合作電影後擊退沙士,望今次在紅館合唱,疫情馬上消失。「金句王」Leon自創全新示愛手勢,伊健即場活學活用,惹全場尖叫!

前晚捧Leon場的圈中好友有姚子羚、蘇麗珊,以及昨天出發到日本採訪的方力申等。

前晚「金句王」Leon變身「手勢王」,自創全新示愛手勢「人群之中我只看到你」,他用手指做圓圈動作放在眼睛前,冧爆全場fans!之後伊健上台,立即活學活用,Leon也大笑。

Leon和伊健曾於2003年合作電影《雙雄》,伊健在台上表示當時有兩件事最深刻,並問Leon:「你記唔記有一場戲喺條好靚嘅隧道拍?嗰度係化糞池,當時沙士好犀利,喺咁嘅環境拍攝,我好驚但你好淡定,嚟到仲笑住同我打招呼。當時我心諗我哋一齊拍戲,佢都唔驚,我都唔使驚。」Leon笑着回應:「其實我唔知嗰度係化糞池,拍晒返屋企先知道。」全場爆笑!

伊健又讚Leon有紳士風度,提到當年兩人都鍾意車,一日伊健揸車到片場,Leon表示想看,於是伊健把車匙給Leon叫他隨便玩,想不到Leon開車門坐低,先把雙腳在車外拍拍鞋底才踏入車廂,因不想弄污車廂,伊健大讚有風度和有禮貌,叫大家要學,直言加分。Leon則自言一直有這習慣。伊健又說:「當年我哋拍完套戲,疫情就消失,希望今次我哋第一次紅館合唱之後,疫情盡快消失。」Leon立即與他擊掌叫好,兩人背對背Chok住合唱《友情歲月》,帶動全場揮螢光棒大合唱。

此外,Leon在首場與嘉賓林海峰驚喜合唱「人氣王」姜濤的《蒙著嘴說愛你》,有網民表示想集氣由MIRROR做Leon的尾場嘉賓,並形容為「完美交棒」,卻令Leon歌迷在網上表示不滿。

關注我們Facebook專頁
    相關新聞
      更多瀏覽