薛影儀自信爆棚 向利愛安宣戰

2021年08月11日03:00
林作有意安排薛影儀與利愛安舉行拳賽。

【星島日報報道】亞姐早前舉行首輪面試,當中薛影儀因勇氣和獨特個人「魅力」成功突圍!雖然最後未能入圍,但仍獲亞視賞識簽約兩年,簽約後日日有工開,人氣爆燈,就連原本睇好TVB「佛祖港姐」利愛安的林作亦轉投阿儀懷抱!訪問當日,阿儀多次向利愛安挑機,直指:「住東涌個女人肥過我,唔靚嘅,又冇我咁多網民支持!」林作決定安排拳賽讓兩人對戰打一場!

在亞姐面試中「一鳴驚人」的薛影儀,如今舉手投足都成為熱話,有網民更發起「我老公J咗薛影儀導致婚姻破裂關注群組」,日日交流分享阿儀最新動向,有粉絲更加整埋阿儀的人形咕o臣,認真魅力沒法擋!雖然阿儀未能成功入圍亞姐,但跟亞視簽約後日日爆job,除了宣傳、訪問及拍廣告外,連每次開live唱歌都吸引過萬人觀看,亞視乘勝追擊,火速安排阿儀加入新戲《愛.還記得》劇組,實行歌影視三棲發展!

提到在港姐面試者中,因一臉佛相而被網民笑稱與「佛祖佳麗」的利愛安,同樣未能入圍但獲TVB簽約!訪問當日,阿儀直言有看網民的留言,印象最深刻的是有網民認為她有冠軍相、比蔡小蝶更美!問到阿儀有否留意利愛安?阿儀起初一副懶理表情:「我冇留意喎!」但當林作向她介紹「佛祖」利愛安後,阿儀終於引爆火藥,雞啄唔斷話:「佢肥肥哋㗎?東涌嗰個女人,係囉,佢入唔到圍,嗰個女人冇咁多網民支持,東涌嗰個女人唔靚嘅,肥肥哋嗰個,我諗佢仲肥過我!」林作表示各花入各眼,認為阿儀的率直,比利愛安更吸引!當談論利愛安話題完結,阿儀似乎並未罷休,繼續向利愛安挑機 :「其實東涌個女人唔靚!」記者表示利愛安唱歌好聽,阿儀則說:「我冇留意喎!啲人話東涌嗰個女人好醜怪,我好過佢又瘦過佢!東涌嗰個女人唔知佢學歷去到邊到呢?佢有冇讀到大學?話佢好嗰啲網民冇眼光!」在旁的林作眼見阿儀對利愛安甚多負面意見,即場提議親自安排舉辦一場拳賽 ,讓兩人打一場,阿儀立即答應,自信表示:「我會贏!」

作為從未拍拖的「黃花閨女」,阿儀的擇偶條件十分目標清晰,表示另一半內在和外在都需要兼備,更拒絕姊弟戀。阿儀:「唔好細過我,細一年都唔得!因為細過我就唔襯!」問到他的兒時偶像古巨基是否合乎標準?阿儀:「佢結咗婚啦!又唔係鍾意佢,啲歌好聽啫!」之後又主動表示2017年曾看過林宥嘉的演唱會,最喜歡他的《想自由》。阿儀還十分留意對方背景:「林宥嘉都太細,佢細過我三年,佢同丁文琪結咗婚,佢老婆同我一樣大!」阿儀堅拒姊弟戀,看來比阿儀年輕的粉絲要失望了!

關注我們Facebook專頁
    相關新聞
      更多瀏覽