姜濤搣甩怕醜 變身生猛開籠雀

2021年12月02日03:00
強尼扮藥廠sales都有型有款。

【星島日報報道】姜濤獲邀成為HPV預防大使,繼續與藥廠合作拍攝宣傳片,最近姜B更帶埋好兄弟阿Dee和強尼齊齊加入拍攝。有兩位好兄弟同場,令原本怕醜的姜B在片場即刻生猛變成「開籠雀」。

姜濤今次夥拍阿Dee和強尼,為全新預防HPV宣傳片進行拍攝,片段昨晚在MSD官方YouTube頻道播放。鏡頭前,三人在藥廠世界有齊恩怨情仇,不過鏡頭後,三人在片場就齊齊大放笑彈。

姜B在拍攝期間向來表現怕醜,今次有兩位好兄弟同場助陣,令到怕醜仔在片場立即變得生猛起來,頓變「開籠雀」說個不停。而對於首次探訪藥廠重地,姜B和阿Dee、強尼都感到新奇。強尼雖然在入行做藝人前曾做過不少工作,但他卻從未有涉獵過藥廠事業,今次能夠在宣傳片中扮演藥廠sales,強尼期望下次可以入埋實驗室體驗一下。

至於阿Dee,今次獲藥廠為他在宣傳片中度身訂造了幾個造型,分別有送水、 藥廠sales等,他更「姜糖」上身,穿上一件印有「姜濤」的T恤,化身對方的粉絲,阿Dee更笑言要將這件T恤拿回屋企當底衫着。此外,阿Dee又化身好學寶寶,在鏡頭後向廣告商請教不同健康資訊,他更揚言:「男人老狗,唔係少少痛都唔捱得啊?拮一野當俾蚊針,為Darling、為家人、為自己。」

關注我們Facebook專頁
    相關新聞
      更多瀏覽