【專訪】MV邀請仔仔演出!雷有輝笑指愛兒花心方便揀新抱

2021年12月30日11:00

雷有輝(Patrick)聖誕節推出新歌《女同學》,日前忙於拍攝MV,但現場所見Pat哥甚為空閒,不時指指點點監場。原來MV邀請愛兒雷瑋陶(Matt)繹演年青時的自己,周旋於數位「女同學」之間!雷有輝笑言故事純綷虛構,讀書時期並不風流:「今次係個導演諗出嚟㗎咋,同我真實生活有好大出入,當年我係出名專一㗎,只不過仔仔比我有型,佢值得比十個女仔圍住,所以呢日MV佢先係主角。呢次係順便將個『衣鉢』傳比佢,咁我就提早退休,屋企所有開支都交晒比佢負責。」

兩父子默契甚足,訪問其間大爆笑料,互相稱對方為「Pat哥」、「師兄」,完全沒有父子間隔膜。雷有輝話老婆今日嚟『打氣』,其實「揀新抱」為實,搞到囝囝不知所措:「其實亞囝都係二十歲,唔洗心急嘅!以我所知佢都有試過拍拖嘅,但呢一刻係單身嘅,我梗係想佢感情世界豐富啲啦,頭先女演員未埋位都會同我傾計,人地一OK就冷落我,好似透明咁啊,真係好慘。今次MV佢有十個女仔同佢煙韌,睇落好似好爽,但係每一場最後都要比對方打一巴掌,你以為我企側邊係監場咩?我叫佢地大力啲打落去,咁先拍得真實㗎嘛!」

囝囝雷瑋陶就話今次「義工」演出,笑言自己唔似爸爸花心,會專一對待女友:「其實佢以前啲新聞我都有睇過嘅,都大概知佢嘅情史。今日我純粹係做戲,現實中係一個乖乖仔。呢次MV 『Pat哥』都話冇酬勞,最多係請翻我食飯,咁佢養咗我20年,都係時候要回報翻比佢啦。」

關注我們Facebook專頁
    相關新聞
      更多瀏覽