七仙羽教林靜莉聞錢和男人味

2022年02月04日03:00
七師傅這天和林靜莉踩入花墟,齊齊買年花增運。

【星島日報報道】

  (星島日報報道)七仙羽(七師傅)近兩年可謂最紅風水師,身為馬來西亞華僑的她講得一口「唔鹹唔淡」的廣東話,其搞笑談吐舉止深受網民歡迎,金句「師傅愛你」更是深入民心。七師傅在ViuTV真人騷《七救星》里經常語出驚人,但觀眾卻十分受落,讚她綜藝效果十足!七師傅頻頻在人氣節目擔任嘉賓或主持之餘、廣告亦接二連三,據知她短短幾個月內就接拍近半百廣告,範疇包括時裝、護膚品、銀行、連鎖米綫鋪等,早前又參演賀歲電影,及為張敬軒紅館演唱會擔任表演嘉賓,吸金能力超強!

除了密密接job搵真銀外,七師傅平時亦經常參與慈善活動熱心助人,早於2013年已開設佛堂向露宿者及基層人士派發食物和日用品。今次七師傅特地帶來之前在節目《鬼同你上位》合作過的林靜莉一同到花墟挑選年花,靜莉是前港姐鍾慧冰的寶貝女,盡得媽媽真傳、長相甜美,七師傅這次幫助靜莉催旺桃花,更順帶預測男團MIRROR及ERROR今年運程!

可愛的七師傅被花海包圍馬上少女心爆發,並教導靜莉如何選花人財兼收:「旺財運揀黃色,旺桃花揀粉紅色。」並豪氣地說把整家花店的花買給靜莉!其後七師傅與靜莉各自拿起一盤蘭花,師傅聞了一下黃色蘭花,鬼馬問道:「好香呀,你聞唔聞到啲錢味呀?」聞完粉紅色蘭花又問道:「你聞唔聞到男人陣除呀?」惹得靜莉捧腹大笑。七師傅表示自己好重視節目,新年會預備六位數字封利是大派祝福,又會邀請朋友到家宴客,每年過節更會花上幾萬元買花,在家中擺滿應節花卉,她住的別墅才「無咁dry」。

今年樂壇有不少新星彈起,被問及有甚麼花旺MIRROR,七師傅表示:「永遠都可以擺玫瑰花,因為玫瑰花一年四季都咁啱用,既旺桃花又旺人緣,充滿正能量。」屬豬的靜莉也把握機會拜託七師傅贈她幾句,師傅指:「屬於今年犯太歲,要先發化太歲,咁先會順暢。但係你已經好Lucky啦,第一你識到我,第二係你買到我本通勝,本通勝通街已經賣斷晒啦!你都唔知喺邊度搵到一本出嚟,你話你幾Lucky呀!」

七師傅自爆有留意吒咤樂壇頒獎禮賽果,全因她的「下一世老公」張敬軒,七師傅表示:「我要留意佢嘅表現嘛!話晒我同佢都有緣分,我嘅下一世老公終於都攞大獎,恭喜!」她更向靜莉介紹:「我的下一世老公叫張敬『謙』,係謙虛個謙。」暗讚張敬軒為人謙虛。其後提及姜濤在頒獎禮中宣言香港娛樂圈要成為亞洲第一,對此七師傅表示:「不論是姜濤、MIRROR、ERROR等等,今次攞獎的都是我的朋友,我想我所有朋友都攞第一。姜濤話香港樂壇要成為亞洲第一,點會唔得呢?因為人一定要有夢想和理想,如果連諗都唔俾諗,咁梗係唔得啦!」更笑言:「我要諗有幾多個老公都得啦,靜莉你都可以幻想成個亞洲的男人都係你㗎啦!」七師傅說:「幻想理想這些是人應有的freedom,諗咩都得啦!所以我支持姜濤,你話亞洲第一,話全世界第一都得啦,你有實力、又靚仔又後生,唱又得跳又得,梗係得啦!」

七師傅更拿欣宜做例子:「所謂路遙知馬力,日久見人心。因為在娛樂圈需要長期努力打拼,我很欣賞欣宜,以前佢成日俾人鬧,但係佢並沒有放棄不斷努力,𠵱家個個都讚佢。」

關注我們Facebook專頁
    相關新聞
      更多瀏覽