【投資專欄】想可以好似奇異博士咁預知未來⋯做到跌市時冇貨,升市時滿倉?(弩飛投資)

2022年05月04日18:25

Marvel入面嘅奇異博士係弩飛好鍾意嘅角色,佢可以睇到未來會發生嘅不同可能性,而每次我做完重大嘅投資決定之後,都會思考平衡時空嘅自己會否比現實做得好還是差:做得唔好嘅會諗吓操作上有咩改善空間,做得好嘅會考慮當中有幾多係運氣成份,因為長遠始終「贏幾盡係睇運氣,輸幾少係睇知識」

話說三月中18000點嘅時候,中國政府係急跌之後提出五點安撫投資者嘅負面情緒,當時弩飛同個女上緊英文堂,錯過咗最佳入市位,之後我不斷問可以改善嘅地方喺邊度:係冇事先做好準備?定係唔應該1:00上堂?我一直希望嗰日又可以嚟多次,讓我了解我係咪一定會錯過最佳入市位

估唔到上星期五好似時光倒流,重新出現返18000點急劇反彈嘅情況:喺食飯前,科技股開始有異動,當時估計係春江鴨嘅表現,根據《高/低風險入場位》嘅諗法,低位博反彈係應該入高風險嘅股票,所以當時揀咗7226(兩倍科指ETF),而非較安全嘅優質股

我喺收市之前係放咗大部份嘅貨止賺(都超過10%盈利),主因係1)消息面同上一次大致相同,都係上次果五點,2)沽空比率比上次少好多,相信冇乜short squeeze嘅情況,3)H股相對A股較受外國資金嘅影響,所以政策底同市場底嘅關聯性,H股比A股較低,因此寧願揸住早一日買嘅3188/3147,而day trade 7226

最後,我發現係完全準備嘅情況下,投入呢個trade嘅資金相對有限,所以上次lost profit其實都係唔係想像中咁多。我哋希望跌嘅時候完全冇貨、升嘅時候滿倉,從而獲得最大利潤,但係其實呢個諗法唔實際。一個人好難從極端樂觀同悲觀之間穿插而獲得穩定嘅回報(除非你嘅資金大細容許你咁樣做)我哋對後市嘅判斷對操作有正反兩面:我中線睇跌,雖然避開咗今年大部份嘅跌覆,就要承受反彈嘅時候唔會食得盡;如果你希望反彈嘅時候賺得多,就要硬食之前一段跌幅。

P.S. 未來,關鍵係觀察政府希望用乜嘢方面去推動經濟,之前一直以為三頭馬車只剩下基建(或者新基建,即係東數西算嗰啲),但近排有放寬資訊科技行業嘅跡象,所以我都密切留意緊

P.S.2. 洪灝嘅微博帳戶被封,成個周未我都擔心緊佢嘅情況,我手頭上睇緊嘅書唔會變咗禁書⋯

*文章獲弩飛投資授權刊登,原標題為《時光倒流?

免責聲明:本網刊載的所有投資意見,只可作參考用途。讀者在作出投資決定前理應審慎,並主動掌握市場最新狀況。若不幸招致任何損失,概與本網無關。而本集團旗下網站或社交平台的網誌內容及觀點,僅屬筆者個人意見,與本集團立場無關。本集團旗下網站對因上述人士張貼之資訊內容所帶來之損失或損害概不負責。

原文

關注我們Facebook專頁
    相關新聞
      更多瀏覽