李元元追問爸爸:MC靚唔靚仔?

2022年05月18日03:00
李璨琛一家獲邀打造全家福NFT手機殼。

【星島日報報道】

(星島日報報道)李璨琛女兒李元元(Lucy)早前成為「賦二代」(MC張天賦粉絲),不時在家中大唱MC的歌及狂煲MV。Lucy媽昨日在社交網晒兩條囡囡在家睇MC的短片,片中Lucy邊睇MC邊跟爸爸李璨琛說:「係MC唱口架喎,都係YouTube,你睇吓!」李璨琛則謂:「係喎,你偶像喎!」另一條片中Lucy語出驚人搞笑地問爸爸:「你覺得MC靚唔靚仔啊?」網民紛紛留言表示想知爸爸的答案及表情,有人笑言:「李老竇好快冇地位」,亦有網民提議:「MC下個月開演唱會,不如搵Lucy做嘉賓。」

此外,Lucy一家最近獲銀行為客戶鑄造專屬全家福NFT並打造獨一無二手機殼,Lucy媽分享最深刻的全家福是一張被家中閉路電視無意拍下的照片,相中她與老公攰到攤在沙發,而Lucy托着頭、翹着腳攤在地氈,一家三口各有各「Hea」,代表了一家人的攪笑特色,她亦很期待一家人到外地旅行影新的全家福。

關注我們Facebook專頁
    相關新聞
      更多瀏覽