【開心無敵獎門人】出動「豹嫂」胡蓓蔚箝制豹哥 袁偉豪嗌「凍檸茶走奶」

2022年08月08日07:00

《開心無敵獎門人》周日播出第二集,由「獎門人」曾志偉帶領「元祖獎老」阮兆祥以及「新獎老」麥美恩、程浩駿、吳嘉儀擔任主持。嘉賓則有「愛.回家之開心速遞隊」單立文(豹哥)、滕麗名、呂慧儀、蘇韻姿及陳浚霆,及「Crazy Runner 隊」陳山聰、袁偉豪、黃智雯、胡蓓蔚(豹嫂)及胡諾言。

今次焦點落在豹哥VS 豹嫂身上,胡諾言揚言出動豹嫂箝制豹哥,豹哥聞言即扮晒嘢反駁:「真係箝到我咩?」豈料豹嫂輕輕一句「算啦你」便成功反箝制豹哥,相當爆笑。

去到遊戲環節,身為氣氛擔當的豹哥全程表現Hyper,在豹嫂玩「開心無敵搵啖食」時,豹哥搞笑地出錢「收買」獎門人,並頑皮地搞笑問:「有冇石頭呀?」豹嫂見狀即時將錢沒收!

是集重現幾個經典遊戲,當中包括「開心無敵估歌仔」及「開心無敵茶餐廳」。在「開心無敵茶餐廳」遊戲環節,獎門人一輪嘴極速落單後,聽到暈頭轉向的袁偉豪竟爆出驚人飲品「凍檸茶走奶」,非常爆笑!

關注我們Facebook專頁
    相關新聞
      更多瀏覽