錢嘉樂領軍主持 爆志偉遙控大局

2022年08月25日03:00
錢嘉樂擔大旗主持《獎門人》,獲「七魔女」支持搞氣氛。

【星島日報報道】

(星島日報報道)「獎門人」曾志偉因確診新冠肺炎,前晚首度缺席《開心無敵獎門人》錄影,節目找來久未露面的蘭茜頂替其位置,眾「獎老」形容她是「一次性用完即棄獎門人」。錢嘉樂否認擔大旗,透露出場前曾跟志偉開電話會議,志偉都好緊張節目,又指雖然老婆湯盈盈的「七魔女」出場亦不會放水,最多打和。

獎老阮兆祥指獎門人不在所以要做得更好,希望收視超過24.2點,錢嘉樂聽後即笑言:「唔可以,要跟返獎門人高度,唔可以高過佢,否則下次全部換晒人!」嘉樂又透露有研究後期是否會讓志偉補拍畫面,但仍在商議中,他有致電慰問志偉,志偉叫他加油,回想多年來志偉確實從沒缺席《獎門人》,直言:「我第一次真係感覺冇咗獎門人,真係幾特別。(擔大旗?)唔係,成班人嘅。(咁都要有人叫打和!)呢啲粗重野我做啦。」他又稱出場前有跟志偉開電話會議:「佢都好緊張,傾好晒啲問題,就算只係opening都好緊張,問度咗未,同埋叫我哋輕鬆啲做,佢咁多年都帶住我哋,跟佢廿幾年,個騷有佢嘅精神,呢廿幾年都畀咗好多經驗我,所以我呢方面OK。」問到會否放水給老婆湯盈盈及 一班姊妹,他聽後即笑指最多叫打和。

「七魔女」負責搞氣氛

當介紹湯盈盈等「七魔女」出場時,因欠佘詩曼和姚樂怡,由工作人員戴兩人的面具現身,眾人穿志偉肖像T恤,指重視《獎門人》25周年,今次全自費化妝整頭出席,文頌嫻踢爆盈盈是叛徒,因她穿上老公的肖像T恤,笑指她想謀朝篡位。自我介紹時,盈盈將頭挨在嘉樂的肩膊溫柔講:「你老婆呀!」男子組即指有人「公器私用」,嘉樂亦搞笑話:「我依家企,返到屋就無得企要跪,仲要跪玻璃!」

文頌嫻說:「我哋今晚嚟幫佢(志偉)一把,我哋嚟做氣氛等佢可以安心休養,等佢次次都唔使話打和。」她稱鍾麗淇本來因腳傷缺席,但志偉專誠邀請她說會遷就她玩遊戲,周家蔚卻笑說:「睇返啲遊戲都好似冇特登就,更加重咗,所以姊妹會幫佢頂。」又指志偉有叮囑她們要玩放些,不過梁靖琪玩遊戲前表明因老公在場而不會與男士一起夾包。

吳家樂面貼何遠東屁股

至於有家人在場的吳家樂亦要用臉部與何遠東的屁股夾包,而何遠東更笑指屹籮姿勢似產檢,非常搞笑;而兩隊在該回合結果是3比3,蘭茜隨即用志偉腔宣布打和。

關注我們Facebook專頁
    相關新聞
      更多瀏覽