【有個閨密叫祖藍】苑瓊丹自封「東北惡狗」 爆初入無綫受冷待:諗咗諗決定吞咗佢

2022年09月02日07:00

王祖藍主持的《有個閨密叫祖藍》,最新一集的嘉賓是苑瓊丹(苑仔),她自封「東北惡狗」:「好多人都好驚我,我又好衰,比較八卦,收收埋埋好多黑材料。」

苑仔表示當初對演戲產生興趣,全因讀書時上過無綫新聞節目,於是1982年報讀亞視第一期藝員訓練班入行:「我喺亞視會得罪高層,譬如有人誣蔑我,我會同高層解釋,就算佢話:『唔聽呀,你出去啦』,我都會話:『唔得!我一定要講。』」

苑仔又表示之後到無綫工作初期「好多說話聽」:「有一次我梳頭,工作人員梳得有啲唔啱,我就話:『咦?唔連戲喎』,梳頭嗰個話:『咁你自己梳!』」她直言當下要發脾氣好易,起身拍枱講粗口都得:「我當時諗咗諗,決定吞咗佢。我拎起把梳,佢真係唔知我識梳,我咪自己吹自己梳。」

關注我們Facebook專頁
    相關新聞
      更多瀏覽