【除衫唔太好】陳曉東預告演唱會「濕晒」 想派水槍畀觀眾:等佢哋射我

2022年09月13日07:00

陳曉東日前相隔三年終於回港,這天為無綫娛樂新聞台節目《StarTalk》擔任嘉賓,講到新歌《這種年紀》,原來是度身訂做:「今次同伍仲衡合作,佢之前寫過一首《愛你(躲你)》畀我,之前冇乜點聯絡,但係後來愈來愈熟,同埋呢首歌佢話係為我度身訂做,諗住我嚟寫。」新歌歌詞其中一句是「時光如潮汐退」,有夕陽和潮退的意思,陳曉東表示不會介意:「去到某個階段,一定會對某啲事情,睇得更通透,有新嘅領悟,為咗證明我唔介意,所以去錄!」

陳曉東十月將舉行演唱會,他預告:「今次係一個戶外嘅演唱會,到時應該會好熱,一上台就濕晒!」雖然揚言會「濕晒」,但他不打算除衫:「好似唔係太好,乜咁暴露咩?內容方面希望可以同觀眾多啲互動,開Party,可能我會派水槍,等佢哋射我!」

From:微博/denceyu

From:微博/denceyu

 

 

關注我們Facebook專頁
    相關新聞
      更多瀏覽