呂慧儀否認:沒印象劇外鬧過人

2022年09月24日03:00
呂慧儀否認自己曾爆粗罵「細龍太」陳思圻。

【星島日報報道】

(星島日報報道)呂慧儀昨宣傳《愛.回家之開心速遞》,早前「細龍太」陳思圻指拍《愛.回家》期間曾被前輩以粗口問候,呂慧儀成為嫌疑人之一,她昨強調劇組好和諧,不知對方講誰,除了在劇中,她沒印象在劇外鬧過人。

呂慧儀昨日大反應說:「又係我?我冇聽過呢個新聞。我哋好和諧,唔知佢講邊個,點解佢唔開名?(咁你有冇鬧過人?)劇中有,劇外冇呢個印象,我通常係道出事實。」她又指每個演員也有情緒,不過若將情緒帶入劇中就會影響表現,所以自己盡量不會在拍攝時發脾氣,問她是否有被人鬧過?她說:「我係聲大大,畀人哋以為我鬧人,但我都冇畀人鬧。」

不敢穿性感戰衣

25日是港姐競選決賽,港姐出身的呂慧儀及蘇韻姿均表示到時會入場觀看,呂慧儀笑說兒子會睇,所以未經他同意不可穿性感戰衣,所以她都會「淑女」少少。蘇韻姿則指當晚主角是候選佳麗,她不會太性感以免搶風頭。對於日前監警會委員余黎青萍突然批評港姐泳裝「少布到不得了」,呂慧儀反問:「而家先講?我又唔覺少布到不得了,以前真係勁,叉真係好高。泳裝環節係展現女性嘅美,除內在美之外都有體態美,如果唔着得泳裝,咁着乜?心態點睇好重要,有時唔好睇得太認真同唔好太偏向某一方,希望大家向好嗰方面去睇。」

大小姐自爆扮馬小玲

同場的林淑敏很開心拍此劇可以嘗試做不同角色,又透露稍後扮演《我和殭屍有個約會》的馬小玲,自嘲是「老小玲」,問到劇中是否會騷長腿?她說:「條裙短少少,營造錯誤視覺效果。」她又指會與李偉健及歐瑞偉拍打鬥場面,許家傑直言羨慕三人可扮演到經典角色,他希望日後可扮演《六嚿腹肌拯救隊》大晒腹肌。

關注我們Facebook專頁
    相關新聞
      更多瀏覽