林敏驄親自加戲 攻陷視民淚點

2022年11月12日03:00
四人相擁而泣,可說是全晚最令人感動的畫面。

【星島日報報道】

(星島日報報道)《下流上車族》昨晚播出大結局,前晚一集更堪稱眼淚放題,羅毓儀淚崩演繹備受注目,原來她拍了兩take便完成,她感激「媽咪」江美儀的幫助。林敏驄亦攻陷觀眾「淚點」,幻想一家四口重聚的催淚場面原來是他親自加戲。

前晚劇情講飾演蔓蔓的羅毓儀(Yuki)目擊爸爸志明(林敏驄飾)疑有外遇後大受打擊,情緒爆發。Yuki受訪時透露事前有向影后鮑起靜請教:「因為冇經歷過呢樣野,所以拿捏唔到個情緒應該去到邊,鮑姐就幫我分析話蔓蔓比較小朋友,遇到呢種情況會感受比較大,所以會喊得比較勁,聽完鮑姐講再加埋自己想像,就代入到個角色。」Yuki續指該場戲共拍了兩take,並特別感激「媽咪」江美儀信任:「第一take其實都喊到,但媽咪睇完playback後覺得我可以喊得再入肉啲,之後就叫導演畀多次機會我。多謝美儀姐相信我做得到,覺得好感動。」

美儀喊到收唔到聲

劇集尾聲,驄哥再度攻陷觀眾「淚點」!劇情講到雯慧(江美儀飾)向志明提出離婚,後悔的志明一邊看一家人的相片一邊爆喊,更幻想一家四口重聚的畫面,四人相擁而泣煞是感人,但鏡頭一轉只剩下志明獨自躺在沙發落淚,凸顯出志明的孤獨。驄哥受訪時透露這場戲是自己提議加的:「本來場戲係得我一個喊,之後我覺得兩個女啲演技都開始成熟,可以喊得出喇喎,加上大家相處咗幾個月,有咗感情基礎,所以搵埋佢哋同美儀姐一齊演,大家拍呢場時都喊晒,美儀都喊到收唔到聲,感覺非常好。」

芊芊忍痛放棄高榮

昨晚大結局的最大睇頭,當然是陷入離婚邊緣的車氏夫婦如何大團圓結局,驄哥更會大拋感人sound bite:「我哋加埋幾多歲喇?唔通仲可以有轟轟烈烈嘅愛情?只希望呢個家齊齊整整,可以同你細水長流。」驄哥和美儀姐更會再度聯手大派洋蔥!另邊廂高榮(丁子朗飾)不堪外母雯慧的高壓政策,忍不住向志明訴苦,豈料被芊芊無意聽到,芊芊為了媽媽忍痛與高榮分開,令新婚的二人陷入離婚邊緣。

 

關注我們Facebook專頁
    相關新聞
      更多瀏覽