被撞飛少年甦醒 母:好感恩

2022年11月23日03:26
彭利濰與母親合照。

【星島日報報道】

(星島日報報道) 「阿仔,你認得媽咪喇?」十四歲少年彭利濰本月七日在元朗青山公路灰沙圍晚膳後外出散步期間,被一部駛至私家車撞飛十多米,頭及手腳重創,昏迷送院。他經搶救留醫深切治療部兩周後,前日終於清醒過來,睜開眼看見眼前人,對着慈母哽咽問道「你認得媽咪喇?」利濰輕輕點頭表示認得,彭太直言「好感恩」。「佢依家總算保住條命,我仲可以攬吓佢,佢識得叫媽咪,已經好感恩!」

對車禍完全「斷片」

    彭太到醫院探望愛兒,同行尚有丈夫與前妻所生的長子,雖然長子已成家立室,與利濰的感情亦一般,但今次利濰出事,反而增進了一家的感情,同父異母的哥哥打開心扉,不時鼓勵利濰要振作,好好保重身體,令彭太暖在心頭。她憶述利濰前日甦醒後,雖認得她與哥哥,但意識仍迷糊,對自己因車禍入院完全「斷片」。彭太對他說因交通意外入院,「我同佢講,警方捉到撞佢嘅人,報紙登晒出嚟,佢都好想知係乜人撞佢,仲話好番要睇番啲新聞。」

  彭太將同學為他摺的祝福紙鶴帶到醫院,又將校長、同學錄的語音訊息放給他聽,對於校長同學的窩心舉動,她形容「利濰識得笑。」不過,有部分對同學的記憶確實模糊了,「有好多唔同嘅同學組別,佢話唔記得邊個打邊個。」他只知校長和同學的關心,由衷說「好番返去再同佢哋玩!」

  彭太說利濰死里逃生,仍有待醫學觀察,「噚日佢講野都冇乜氣,好攰,聲好沙,因為仲插住胃、喉管,未食到野。」利濰一隻腳骹移位要箍着,另一隻腳可伸出,他的手部骨折,但手指可郁動,腦及腎臟均有受損,「醫生話最緊要搞掂唔會致命嘅部分如腦壓、盤骨唔再出血,又要避免細菌感染。」 

 

關注我們Facebook專頁
    相關新聞
      更多瀏覽