Eason停騷三年亂諗野 最驚一睡不起

Eason演唱《任我行》時，台頂吊下紅藍氣球。

【星島日報報道】

（星島日報報道）陳奕迅（Eason）暌違9年再踏紅館舞台，慨歎疫情令他停工三年，更自爆害怕自己一睡不起，並分享紓解方法︰「所以好多野唔諗，唔好諗唔好講，好好享受，最緊要係呢一刻，先係最真實！」

《陳奕迅Fear and Dreams香港演唱會》前晚正式開鑼，Eason獻唱金曲《與我常在》和《忘記歌詞》時，全場站立、氣氛熱烈，台下的太太徐濠縈與女兒、舒淇和馮德倫也起身揮手舞動。不過之後Eason唱《七百年後》和《我們萬歲》時兩度「甩嘴」，而唱足全場的他一直沒正式開腔說話，直至大約十點半時，Eason表示唱最後一首歌，引起觀眾大叫「吓！？」他才開口表達這三年來的感受：「我唔係懶有型，真係搵唔到個位講野。呢三年匿埋，我好多野講，但想留返啲氣唱歌！」Eason續說可能年紀大、好容易喊，以前一直工作沒停過，沒時間去思考，他說：「呢個騷三年前停咗，有一樣野卡住咗，喺度等唔知做乜……就係因為有時間等，就諗嚟諗去，愈諗愈驚……覺得使唔使咁應個騷『Fear and Dreams』，已經都冇乜dream……想攬下掂下都唔得，唔係唔信你，係唔信我，驚我係帶菌者。」

「唔好諗唔好講 好好享受」

Eason又自爆恐怕自己一睡不起，他說︰「我只想做呢個騷，等到個人好驚，驚到一個地步係瞓覺之前，驚第二日起唔到身，如果起唔到身有咩要交代？電話password話畀邊個聽？銀行啲錢使唔使捐咗去？畀邊個？愈諗愈多，唔知點解會驚。唯一辦法就係唔諗，所有野控制唔到。我以前就係咁……唔關我事，其實到𠵱家我都唔知件衫點解會係咁？靚唔靚由你哋講，所以好多野唔諗。講完咁多，唔好諗唔好講，好好享受，最緊要係呢一刻，先係最真實。」隨後Eason站在升降台上唱連串快歌，令全場氣氛高漲，最後Encore獻唱《遊離份子》，期間Eason指着耳機似乎出現問題，幸未有影響演出。